ISAYA 10:29 - Biblía Axweesantá Hhohho' ar Mungú 2004

²⁹ Duxa kwaa waaraáhh, xweeraawo nay qatuú ayé' Geba, múk Rama aa daaraxaát, yaamuloouusér Gibeár Saulo tari goów.

ISAYA 10:29 Iomraidhean Croise

1 WAAWITÁ 15:23

Tlehhma'aá hatlá' awa Asa nee migtose, nee gixsadaá aa tleehhi sleémeero kaa gooín baraá kitaábuú qom'i oo waawituú Yuda. Ala qoomár Asa iwa dín, inós tiqtír ya'a' guri ót.

YEREMIA 31:15

AAKOÓ MUNGÚ i kaahi, «Afo kaa axaás baraá gixsár Rama, /aa/aá tsuunqusmoó gurhaami, Raheli i /aa/amiín as na/iiwós, asma iwa kahhiya', Raheli qawisa gari sí'.»

HOSEA 10:9

Aá múk Israeli, tlakweema ina tlehhé' iimír tawa baraá Gibea, nee tam hamí a kumaamitá', ar ló' tundu hhaamiis ar slaqwara baraadaá kilaá Gibea.

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HOSEA 9:9

Kuungá' aga faakamisé' tlakweema tlehhtuuwo, adoodá' aáng aa tleehharut baraá Gibearo. Mungú dakuúsar'ín gan inslasláy nee giri muux as tlakweemaaín.

YOSHUA 21:17

Baraá yaamaá Benyaminiwo gixsadaá taa haniís a gixsár Gibeoni dinkwa nee qawtantose, nee Geba dinkwa nee qawtantose,

1 SAMUELI 10:26

Saulo iri waátl Gibea amoodár do'ós dinkwa nee slawtá slaqwaruuse, tidá' Mungú aa mune kwatiít.

1 SAMUELI 11:4

Ya/abuusér aáng iri hardát ay Gibeár Saulo, axweesanaywí kuri oó' baraá iaá muu sleémeero, tari tsuunquumiís ar /aa/aá yaariir.

1 SAMUELI 13:16

Saulo nee garmaawós Yonatan, nee mukduú dinkwa nee inooín xafay'ín nguna tleehhiyé' amoodár Gebár Benyamini, ala múk Filisti kooín kuna tleéhh baraá Mikmashi.

1 SAMUELI 13:2

Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 13:23

Nee slaqwaruuseedár múk Filisti tsirxár Mikmashi gari tsék.

1 SAMUELI 14:2

Saulo nee mukós xafay'ín kuna tleéhh alhhe'eesoó da/aáw oo Gibea, dír yaamaá ta bay Migroni baraá guruú xa'anoó ta bay komamaánga. Mukdá' nee inós dinkwárí diriiá' a tsiire lahhoó'.

1 SAMUELI 14:4

Yonatan ina waaraáhh ar baraá tsirxaduudá', as slumodaá' múk Filisti ngiwa i hardihi, nee mar'ór tlaa/e i deer bihhedae, ar wák umuuwós a Bosesi ar tsár a Sene.

1 SAMUELI 14:5

Tlaa/e kina sihhtís bihhaá /iya geeraá Mikmashi, nee awa hatlá' bihhaá basa, amór geeraá Geba.

1 SAMUELI 15:34

Alaá tihe Samueli iri tláy ay Rama, nee Saulo iri waatláy amór do'ós baraá Gibea.

1 SAMUELI 7:17

Nee in waawaatl ay Rama, asma do'ós i baraadá', nee didá' an kitángw gadiyeérós ar kwasleemadaá múk Israeli ngiwa tlaaqi. Kitángw ilahhooa oo AAKOÓ MUNGÚ guri tleéhh baraadií ale.