ISAYA 10:26 - Biblía Axweesantá Hhohho' ar Mungú 2004

²⁶ AAKOÓ MUNGÚ Aleesleemusmo qawaywós gun gáwtí tleés, adoodá' múk Midiani ngura muúx dír tlaa/ár Orebu wa ale, hhartós gan looloqoos gawaá daanduú tlawi. Inós ga gáwtí tlees ar adoodá' aa tleéhh dír múk Misri.

ISAYA 10:26 Iomraidhean Croise

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

WARA'AMI 35:23

AAKOÓ MUNGÚ, tlawáng sihhiitáng, án aleekalaa/áng, qwaláng Aakoó Munguúeé', án aleeawáng.

WARA'AMI 83:11

Dír waawitúine tleehheek tidá' taa tléhh dír Orebu nee Se'ebu, waawitáín sleémeero masók tari adór Seba nee Salmuna,

TI'INAANGW 14:16

Kuúng hhartók gáwtí tleeseek, ka looloqós gawaá tlawi, ka qasís, múk Israeli tlawi ngi tla/a waaraahhi ar baraá yaamaá kaahaar.

ISAYA 10:24

Gawaá adoorihe, Aako MUNGÚ Aleesleemusmo i kaahi, «Xaysé', muk'eé' kuungá' awa Siyonír hootá', ma da'ayumitaara' qoomár burnu muxiyá' ar hhara nee ar qawaay, tam ugwa daanda tsi/isi ar adoodá' múk Misri aa tlehhiít.

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 30:31

Xoorór Ashuru iri da'ayút qoomár afór AAKOÓ MUNGÚ birnga axás nee birnga muúx ar hhartós.

ISAYA 30:32

Umuúqo slahhtá AAKOÓ MUNGÚ dír múk Ashururo tin alkoomaakoná' nee afór puunda nee ar seésero. Inósuú kilá' in slaaqw nee múk Ashuru ar adór dae tlaaq.

ISAYA 9:3

Kuúng, Mungú, xooro aga urés kay qwal/atisa hhe'és. Muu geeraawoge in qwalalaa/, tan qwalalaa/ adór qoomár bu'uungw, adór múk haasaáng qasmiís.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

Geehhoeemaá 11:18

Múk xoordu ina buúhh. Ala xarasleemaawók naa hardihiyé'. Nee slám qooma naa hardát ar múk aa qaatl kuwa sakwasleemuuti. Nee slám qooma naa hardát ar sagadiyuuseerók tidár aaruuse kawa bu'utuuínií haniisi, nee mukók kudá' hhohhó', tam mukdá' sleémeero kuúng u ilaiwawaá/, múk urén nee na/iiwo. Nee slám qooma naa hardát ar mukdá' yaamu gi hhititiím kuwa hhitin.»

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.

HAR'OHUUSE 7:25

Inooín waawituú tsár oo múk Midiani nguri ohiné', waawitaádá' a Orebu nee Se'ebu, Orebu kuri gaás didá' ta bay tlaa/ár Orebu, nee Se'ebu kuri gaás didá' mamaá sabiíbu kiwa tsoo/a/iti ar ta bay Se'ebu. Inooín tana kumiít múk Midiani gusisiingo nee ságw Orebu nee oo Se'ebuwo kiri huúw amór Gideoni. Qoomaadae Gideoni i gayuú da/aáw oo yaaér Yordani.