ISAYA 10:22 - Biblía Axweesantá Hhohho' ar Mungú 2004

²² Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 10:22 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

1 WAAWITÁ 4:20

Xoorór Yuda nee ar Israeli ki ló'wa yaariir adór hhasángw afaá tlawi, nina /ayné' nay wahané', niri qwalaala/iyé'.

2 WAAWITÁ 19:31

Asma múk meét baraá gixsár Yerusalemu i deer, eeít, nee panoó niiná i meet gawaá tloomár Siyoni, asma AAKOÓ MUNGÚ adoorí gaa ístí tsaát tleehharo.

ISAYA 37:31

Panaydá' aa meet baraá tlahhoó Yudawo in doogín, niri tlahhiyá' adoodár xa'ano dee/ár ngur yaamií sihhaahhin nee gawto na/ii ngir ló'wa laqwaali.

ISAYA 46:3

Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

ISAYA 48:19

Xwaylarhúng geera a adór hhasaangw. Geera ki ló'wa ur adór hhasaangw umer'ín geeraawo ka baloó qwaareesiiká laqaá ki baloó hhaamiisiiká dír geeraaeene.»

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 60:22

Kudá' dirhunge niiná in tlahhaay tleehhiit kudá' handá' ló'wa niiná dirhunge i xoorór ur tleehhiit. Anuú AAKOÓ MUNGÚ qooma bira xeér tí an boo/eés ar gaanslaay.»

ISAYA 65:8

AAKOÓ MUNGÚ i kaahi, «Adoodá' /aroó sabiíbu burkwa sláy tari ooi, ‹Mu hhaamiisaar asma tsuuqa i dayá' baraawose.› Gawaá adoorihe, aníng adoorí kilá' an tleéhh asma sagadiyuuser'eé'. Án inooín sleémeero i baloó qwaareesaaká.

ISAYA 8:8

Wakusmo nin gaanslár dah baraá yaamaá Yuda, yaamuudá' gi dalaa/ adór ma'aá yaaér Eufrate, kudá' yaamu ngi almilala/amiitá', inós hhampi'iiwós birnga gweér yaamuuwók sleémeero ngin tuuntukiyá', aá Imanueli.»

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 44:28

Mukdá' sleémeero aa kotsqomiit baraá slaqwaraaro iri yaamaá Misrír wa waátl ay yaamaá Yuda, inooín ki ló'wa niina. Qoomaarihe múk Yuda kudá' aa meet tari hotaá áy yaamaá Misri axweesantá ló' kari tsaahh áx a te'eéne laqaá tooín!»

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

HOSEA 1:10

Aluuwo faarór múk Israeli a adór hhasángw afaá tlawi oo qoomay wásl, nee oo faaroro ta aslayká. Adoodá' geeraawo kiwa bay, «Kuungá' a muk'eeneeká,» daxta kin tundun bay, «Na/aá Munguúdá' slaáf.»

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Geehhoeemaá 20:8

Inós niri ti'iit as xoordu ngiwa al/agin, kudá' baraá bihhe tsiyahhaawo ar yaamií diriiá', kudá' ta babay Gogu nee Magogu. Xoorduuká' kiri burumbuur as slaqwara. Faaror'ín a adór hhasángw afaá tlawti.