ISAYA 10:18 - Biblía Axweesantá Hhohho' ar Mungú 2004

¹⁸ Gartós tidá' xiríf nee qamaá mamaá yaariir AAKOÓ MUNGÚ gin hhaamiis, iimír baráy wa oohang ay gawa, slaqás adór heé tiqti aa alhhe'és gaasaro.

ISAYA 10:18 Iomraidhean Croise

2 WAAWITÁ 19:23

AAKOÓ MUNGÚ una niqiín ar ya/abuuseerók tidá' taa ya/áp, kuúng tari ó', ‹Ar gaarduueé' kuká' yaariire ana tsa/ám ay gawaá sagér tlom'i, ay gawaá tsintá tloomár Lebanoni. Aníng sahhtaarós tidá' tledaadet an daraáhh, nee xaaiiwós kudaá misonobaáriro, nee an sleé/ ay baraá tla/angwdá', ay baraá gartós tidá' ur.

2 WAAWITÁ 19:28

As adoosíng aníng iwa i qa/ít, nee daara/aangók nguwa axaás, aníng kuúng un duunga' mogolmór uuruúx nee taqesmoowók un tseék ar him'e. Aníng kuúng un ki/ís ar loohidá' nira daqeér.»

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 32:19

Gartá wakuuse iri fák nee gixsar'ín iri hhaán.

ISAYA 37:24

Kuúng sagadiyuuse ngina ya/áb as anuú Aako iwa niqina', kuúng ana ó', ar gaarduueé' kuká' yaariire, Aníng an tsa/ám ay gawaá sagér tlom'i, ay gawaá tsitsenaá tloomár Lebanoni, sahhtaarós tidá' tledaadet an daraáhh nee misunobarirós tidá' ló'wa hhohhoe, niri hardáh ay gawaá tsitsenowós, nee baraá gartós tidá' ur.

ISAYA 9:18

Tlakweema na oohiyé' adór asltá fuquroó /aay nee laqayaawo, adór asltá baraá gara, quuír ilo' in gáwtí tsa/a/aán.

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

SEKARIA 12:6

«Baalaadae aníng geeraharuusér múk Yuda an adór hutloó asltá koóm oo baraá tla/ángw migír tleéhh, nee adór gufuú asla oo baraá tla/ángw qafo, inooín muu sleémeero oo gaa harweer ngun qwaareesiyá'. Qoomaadae múk Yerusalemu tan hoot baraá gixsar'ín wa alé ar saxareema.