ISAYA 10:13 - Biblía Axweesantá Hhohho' ar Mungú 2004

¹³ Asma waawutmo i kaahi, «Tí ana tleéhh ar /uuruú dabaaeé', nee ar sagalooar'eé', asma aníng tsaahha a koóm. Digeemaá muu iga hingeés, nee slaasláwar'ín ngiri ar tláw, nee kudá' gawaá kiteeraá waawuti'iimár wa iwiiwitá', ina diíf adór awu, ngiri /aytamiís.

ISAYA 10:13 Iomraidhean Croise

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 16:8

Ahasi peésaadár baraá Doó AAKOÓ MUNGÚ, nee sahaábu, nee muruú baraá doó waawutmo, gari haniís tawa qeemuú waawutmoó Ashuru.

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

2 WAAWITÁ 18:11

Waawutmoó Ashuru múk Israeli guri haásaáng wa ar tláy ay yaamaá Ashuru, bahh'ale giri qaás baraá gixsár Hala nee ar Habori, nee bahh'ale baraá bihhaá yaaér Gosani, nee gixsadaá yaamaá Media.

2 WAAWITÁ 18:15

Hesekia peésaadá' sleémeero baraá doó AAKOÓ MUNGÚ dirii', nee tidár baraá doó waawutmowo gari haniís dír Senakeribu.

2 WAAWITÁ 18:32

ay dír aníng kuungá' nuy huúw amór yaamaá saawá' awa adór koohúng kuká', yaamaá balaangw nee difaái, yaamaá mikaátér koomá' nee qamaá sabiiíbuuwo, yaamaá xaa'aá seituúni nee awa danér koomá', as daqaní kuungá' tawa hota', tawa baloó qatla'aaká. Hesekia kuungá' burnu al/agín, kuungá' mu iiárií qaasara' iwa kaahi: AAKOÓ MUNGÚ kuungá' nu ba/amis.

1 QOM'I 5:26

Gawaá adoorihe, Munguú Israeli Pulu waawutmoó Ashuru kudá' umuuwós oo hatlá' ta bay Tiglat-pileseri guna dúk, múk Reubeni nee oo Gadi, nee tlaqtá tlahhoó Manase, ngiri ar tlayé' ay Hala nee Habori nee Hara ay yaaér Gosani, tam ay laarí ta amoodá' wa hoot.

AXWEESANOÓ SAGALOOA 28:11

Daqaarmo ngiwa xui i sagalooár kón Ala kun mureekees nee narkutmoó muruú tsatsahhaám.

ISAYA 10:8

Asma i kaahi, «Geeraharuusér uren sleémeero a waawitahekáhe?

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

YEREMIA 46:8

Yaamaá Misri a adór yaaér Nili nina wá/, a adór gwaanduú ma'aá yau nina waá/, inooín i kaahiya', «An haratlawaán, yaamu kiri tuuntukaán. Gixsadu nee yaamuloouuser'ine in hhaamisaán.

YEREMIA 48:14

«Xáy, múk Moabu adór kuungá' tar oa', ‹Atén a miguuse nee pihhuusér slaqwarár baal›?

ESEKIELI 25:3

Múk Amoni ku beer, Axweesantá Aakoó MUNGÚ iiaárií qaasaak, Aakoó MUNGÚ i kaahi, Kuungá' qoomár dír hotaaeé' kawa meetagaás, alaá múk Israeli kuwa hhaamiís, nee múk Yuda kuwa loohatmisi, ana niqár oé', ‹Ahaá ala›.

ESEKIELI 26:2

«Heewí, múk Tiro, múk Yerusalemu ngwa sawaaqasené' tawa kaahi, ‹Ahaá ala, Yerusalemu gixsadá' muu sleémeero ira waaraáhh, kaa hhaáf, daxta atén pa/aangw ugwa slawaán, daqaari'iimarós kaa hhitín.›

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

AMOS 5:27

Gawaá adoorihe nun loohatís amór saáwí ale Damaskoro nari waarahhaás, slamí tunda daba' tsegiít.» AAKOÓ MUNGÚ tí gana oó', kudá' umuuwós ta bay Munguú Aleesleemusmo.

AMOS 6:13

Kuungaásingaá qwalala/á' as gixsár Lodebar kawa hayoté', slamí tin xirfayeemisá' tawa kata, «Ahaá, Karnaimu aga hayohanikáhe ar /uuruurén?»

HABAKUKI 1:11

Inooín tari waaraahh ar gaanslaay adór fur'a, tlakweema ngin tleehhiyá', i diiqiiaaká asma /uureemooín an adór munguúín.»

HABAKUKI 1:16

Gaarí an gár baratsufay'ín ngus ilahhooár muruú ta tsú/í hanmiisiya', nee an gár baratsufay'ín ngus ilahhooár da/a/ángwí hanmamisiya'. Asma baratsufay'ín kudá' gaa diihhooár ar áy nee muruú /aymár yaariire.»

HABAKUKI 2:6

Xáy, múk adoorí sleémeero kuqo niqinkáhe, nee mukdá' ta ohín kiqo waaqaaqaikáhe tawa kaahi, «Tsaxwaawók kuúngudá' daqaari'iimár tlehhiít ar muruú múk hatlá', nee kuúnguú huwaá arhaanír uhiím kari bu'uká, ta adoorír kumamit ay xaylá?

DABE 8:17

Gawaá adoorihe ti harmagahhe' ma baraá munerhúngí ooara', ‹Atén taa kiloorén daqaari'iitisaan ar /uureemoorén, nee aleesleemurén oo kilá'.›

HAR'OHUUSE 7:2

AAKOÓ MUNGÚ Gideoni guri báy, «Múk kuúng ta koon ku ló'wa úr dir'eene baali ngiwa haniis dír múk Midianiwo. Aluuwo baraá múk Israeliwo hee miwa kilós oó', ‹Aníng tina tuú/ ar dakw'eé',› nee aníng iri gaárií xuiaaká.