ISAYA 10:12 - Biblía Axweesantá Hhohho' ar Mungú 2004

¹² Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 10:12 Iomraidhean Croise

2 WAAWITÁ 19:31

Asma múk meét baraá gixsár Yerusalemu i deer, eeít, nee panoó niiná i meet gawaá tloomár Siyoni, asma AAKOÓ MUNGÚ adoorí gaa ístí tsaát tleehharo.

WARA'AMI 18:27

Asma kuúng i ba/amís kudá' tsaen, ala kudá' daara/aamá' in dáhh.

WARA'AMI 21:10

Kuúng xwaylar'ín a qwaarés gawaá daanduú yaamuwo, na/ii'ín nari meetiaaká.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

WARA'AMI 76:5

Miguuse ana mura' hayót, inooín nari slar/amiitiyé' gu'uteero adór múk aa qaatl, nari daba' tsatiitiyé'.

AXWEESANOÓ SAGALOOA 21:4

Xumsír daara/aangw nee inslawoó daara/aango, a tlehhma'aá múk tlákw ngin geehhoeemisiyá'.

AXWEESANOÓ SAGALOOA 30:13

Barakarka aga aandiiká, daara/aango in tawo gáwtí gú', Ala gár ta tsatsahhan i káhh.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 24:21

Baalaadae AAKOÓ MUNGÚ slawodaá gawaá doori gi slaahh, waawituú baraá yaamu sleeme gun slaahh.

ISAYA 27:7

Mungú inooín gaa qo sláhhi ar adoodá' mukdá' inooín gaa slaahh ngura slaáhh? Laqaá inooín ka qo tsú/i ar adoodá' mukdá' inooín gaa tsuu/ ngura tsuú/?

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

ISAYA 33:1

Tsaxwaawók kuúnguusíng hhitaatiím, ala kuúng taa hhitinká. Tsaxwaawók kuúnguusíng al/agaagiím ala kuúng taa al/ayiiká, bál bar aga hhe'és hhitaaro, kuúngú kilá' turi hhitín bal bar muu al/agingo ugwa hhe'és, kuúnguú kilá' turi al/aay.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

ISAYA 5:15

Umuú heewo ku amoqwaarees, hhawaate ki mureekees, mukdá' ti gáwtí tleemiís ku baráy ki/is.

ISAYA 50:11

Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

ISAYA 65:7

AAKOÓ MUNGÚ i kaahi, «Tlakweemaaín nee awa baabi'ii'ín in dinkwaárí buú'. Asma inooín mooyángw tsuú' nguna gawaá tlom'ií wa da/a/ané', ina gawaá gongoamoó wa /ooslisliné'. Aníng qoomoó haáts un dir'ín i qoomeés, kin buu' as tlehhmi'ii'ín kudaá aáng naa tleehhiyé'.»

ISAYA 9:9

Muu sleémeero gari xuu', múk tlahhoó Efraimu nee kudaádaá' yaamuloouusér Samariawo, ala kudaádá' axweesá' ar daara/aangw nee ar taqanaa/i. Inooín i kaahiyá',

YEREMIA 25:29

Qaytsiít, aníng amotlakwe ngin huúw baraá gixsar'eé'. Xáy, ka xua' muxtaro a /uurá'a? Kuungá' muxtaaro tundu mayká, asma slaqwara ngaa tleés ar múk yaariír kuwa tsu/i gawaá daanduú yaamuwo.› Anuú AAKOÓ MUNGÚ Aleesleemusmo tí ngina oó'.»

YEREMIA 50:18

Gawaá adoorihe, AAKOÓ MUNGÚ Aleesleemusmo, Munguú múk Israeli, i kaahi, «Aníng waawutmoó Babuloni un muúx nee yaamuuwose, adoodá' waawutmoó Ashuru ngura muúx.

YEREMIA 50:32

Heé daara/aám i dukuuts nee i huu', heé gu tleés i kaahh. Aníng asla a oohiís baraá gixsaduuwós, nee umuú gaaro gari /ák bihhaawose.»

ESEKIELI 31:10

«Gawaá adoorihe anuú Aakoó MUNGÚ a kah, ‹Asma kiíng ana tleeruúr, nee tsitsiniirók tiri gáwtár dúx baraá haleemiidá' urene, tlenaangók kuri ar daara/aán.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

DANIELI 11:45

Ak ale inós heemaduuwós awa uren giri sihhtis dír tla/ángw tlawi nee tloomadá' hhoohhoo' xirfuú koom. Ala daqaní adoorihe inós afiqoomarós ar alhhe'eesaay gaa áy, nee hee tumu wák oo gu alee/iís i kaahh.»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

FAARO 24:24

Miringér Kitimúr daahh in hardát, Ashuru nee Eberi kin i haratláy. Ala múk Kitimu sleeme kuri hhaamiis ay alhhe'eesay wasle.»

Matayo 12:33

«Xa'ano burku hhoó', mamuuwós ki hho', laqaá xa'ano burku tlaákw, mamuuwós sleeme ki tlakw. Asma xa'ano gár kur tsaahhi a mamuuwós.

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?