ISAYA 1:6 - Biblía Axweesantá Hhohho' ar Mungú 2004

⁶ Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

ISAYA 1:6 Iomraidhean Croise

2 SAMUELI 14:25

Baraá múk Israeli sleémeero, heé taa iia tleereés hhohh'aariro oo adór Absalomu i kaakaahh. Iimír tsa/aá ya'aawós wa tleemu ay tan/ér sagós, Absalomu ku xaslxaansli wásl.

YOBU 5:18

Asma inós hee gun slahh'eemiis, slamí guri malé hubín baraá slahh'amuuwo, Inós hee gun muux guri hungu/uumiis.

WARA'AMI 77:2

Deelór slahh'amaayer'eene Aako una leeleéhh, dabaaeé' ina gáwtí tleés xweeraawo as nguwa fiririim. Muunaáeé' gurkwa/asa gari sií'.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

YEREMIA 30:12

Anuú AAKOÓ MUNGÚ a kah, «Inkaahhi'iihúng ki baloó huungu/usiiká, gweehhinghúng i baloó huungu/iiká.

YEREMIA 30:15

Ahaá baré a /aa/amiindá' as inkahhi'iihúng, inkahhi'iihúng i baloó huungu/iiaaká. Aníng kuungá' nuna adoorí /iís, asma dakuúsarhúng ka ló'wa ur. Tlakweemaahúng ki ló'wa yaariir.

YEREMIA 33:6

Tam adoorihe aníng gixsarí a hungu/uús, nee mukós nguri slaqwa hhooár i ki/ís, aníng gixsarí ngiri wayduú yaariírií haniís nee saxareemawo.

YEREMIA 6:14

Muk'eé' i baraá qwanáy dirii', ala inooín qwanoó muu kun duquuqún tawa kaahi, ‹Wayda i deer wayda i deer.› laatí wayduú daadáw i kaahh.

YEREMIA 6:7

Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

NAHUMU 3:19

Heé iinkaahhaywók ngu tse'eemiís i kaahh, iinkaahhaywók kwisíng i tsu/uut, kudá' sleémeero kangók ngwa axaasiyé' tsa/ii'ín ngin slahhiyá. Asma heé taa slahh'eská ar tlakweemaawók kudaá daqisleém a heemá?

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Matayo 9:12

Yesu axweesanay'ín kudá' nguwa axaás giri báy, «Múk slaqo hhó' i qwaslaarmoó leelehhiitiiká, aqo har tiqtuuse.

Luka 10:34

Iri tseewúy dír heedaádá' taa muúx, inkaahhi'iiwós giri tseék, giri di/tár sliík, nee difaái. Guri gawaá daanduú daqwaywós i tsa/aás, guri huúw ay dír doó dahaaye, guri amohhe'eemiís.