ISAYA 1:3 - Biblía Axweesantá Hhohho' ar Mungú 2004

³ Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 1:3 Iomraidhean Croise

WARA'AMI 94:8

Muk'eé', ahaá ay xaylá kuungá' tsaahha ka sleera'? Ahaá, daktána, ay xaylá kuungá' qeeru ku sleera'?

AXWEESANOÓ SAGALOOA 28:5

Múk tlákw sakwasleemár ganaa' ga tsaahhiiká, Ala mukdá' sleémeero AAKOÓ MUNGÚ gu leelehhiít sleémeero ga tsaahh.

AXWEESANOÓ SAGALOOA 6:6

Aá heé tli/usámo, áx maandaá maliílay xuuxueek, tlehhmi'iiwós aldakweek, sagalooa slaweek.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 42:20

Kuungá' muruú yaariír ugwa aandé', ala ugwa tsahhi'iiká, iia i mak tawo dayá', kár ala i axamisiaaká.

ISAYA 44:18

Mukwí gár i xui i káhh tam gár i tsatsahhana'. Asma ilaaín kaa gumamaá' as adoorí i xumisiaaká, fuquraangw i kaahh as adoorí gár i tsatsahhana' i káhh.

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

ISAYA 5:13

Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

YEREMIA 35:16

Na/aá Yonadabu garmoó Rekabu, hara'ayadár baabuúín ngaa oohiyé', ala mukwí aníng iga iialooeesi'iiká.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

YEREMIA 8:7

Tam halé/ sleeme qoomár loohaay ga xuu', hhooka, nee paréq nee diingoro qoomár ki/ima ngi dakumiisiaaká. Ala muk'eé' kwí gár i xui i káhh daanduú dabér AAKOÓ MUNGUHE.

ESEKIELI 16:30

«Anuú Aakoó MUNGÚ aa kah, Kiíng gár i gaamiis a hheehhár fuqi kilós. Asma fuqi ana i xupú' tam murér niiná a ara'aandaaká.

DANIELI 9:11

Múk Israeli sleémeero dabeerók gaa sií', kuúng ugwa geexayé', nee axweesantók ngaa iialooesi'iiká. Atén lo'odá' taa gooín baraá dabér Mose, sagadiyusmoowók, taa /ák, asma kuúng ugwa sadakusaán.

HOSEA 2:8

Asma inós gaa xuiká adór aníng ngira balaángwí i hanmiís nee difaáiro nee di/to, nee aníng inós ana tsuúq ngay peésa nee sahaábu yaariírí haniís, kudá' aa húp dír Ba'ali.

Matayo 13:19

Umuúqo heewo oo axweesantá waawuti'iima gaa axaas, nee gídaabárós birnga tsaahhiiká, kudá' tlaákw nin hardah, nee /aymuudá' taa baraá muunuú heéwi dahaás guri hingees. Kwí an kudá' aa paahh afaá loohi.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

2 Petro 3:5

Múk adoorí káh, kaa gunqareés adór, iimír aáng doori nee yaamu kira tleéhh ar axweesantá Mungú. Kina tleéhh ar ma'aay, nee ar baraá ma'aay.