ISAYA 1:25 - Biblía Axweesantá Hhohho' ar Mungú 2004

²⁵ Aníng dakw'eé' un gawaahúng i tleés, Aníng /o/oduuwók in hheehhe'eés, nee slasla/aruuwók sleémeero u hingeés.

ISAYA 1:25 Iomraidhean Croise

WARA'AMI 119:119

Múk tlákw sleémeero un harafadít tawa adór ufuú xwaansláy, gawaá adoorihe aníng ar ni slaa' a tidá' kuúng ta kat.

ISAYA 1:22

Peésaarók aa xwaansláy tleehhít, nee difaáirók kaa aleedoók ar ma'aay.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

YEREMIA 6:29

Asla kaa oohisa hhe'eés, ala muqslaadá' harimaaká i weqaweqká as tiwa paratl, kár ala gár nis kumiit muk'eé' hhohhoeemisuwo i káhh, asma múk tlákw slasla/aremaín gi hingemisiiká.

YEREMIA 9:6

AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 22:19

Gawaá adoorihe, anuú Aakoó MUNGÚ a kah, daxta kuungá' sleémeerowo tawa adór baa/idá' aa met alaá tlaa/aá gawit birka tleéhh, aníng kuungá' nu dinkwaárií burumbuúr baraá gixsár Yerusalemu.

ESEKIELI 22:20

Adoodá' muu muqslár peésa, nee muqslaadá' sirda/aten nee harsaási, nee muqsla, nee muqslár baáti ngir burumburaarin kari dahhas baraá asla, as kawa hamaatli kari hhoohhoees ar asla, an adoodá' sleeme aníng kuungá' nur burumbuur ar buhhtaeé' nee xarasleemaaeé', as nuwa baraá ásltí qaas, nee nuwa weeqatis.

ESEKIELI 22:22

Adoodá' tlaa/eedaá peésa kar tlehhiit kir weeqatamamisi baraá asla, an adór kuungá' tundur weeqatisi baraá gixsár wa alé. Kuungá' daqaní kari tsahhá' adór anuú AAKOÓ MUNGÚ xarasleemaeé' ngira gawaahúng i ku'uús.»

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.

Geehhoeemaá 3:19

Mukdá' sleémeero aníng ni slaa' un iigahhamiít nee un muúx. Gawaá adoorihe kuúng ilakaaharu tleehheek, hhu'u'uúm.