ISAYA 1:23 - Biblía Axweesantá Hhohho' ar Mungú 2004

²³ Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 1:23 Iomraidhean Croise

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

TI'INAANGW 23:8

Kuúng slukuma ma /ayaar, asma slukuma heé muruú tsatsahhaám gun iimi giwís, nee kwasleemár ganaa' ar hee gan hhitiín.

AXWEESANOÓ SAGALOOA 17:23

Heé tlaákw slukuma gan oh ar naaqo, as kahhó' tlehhmuú ganaá' oo hee kuwa warqeesi.

AXWEESANOÓ SAGALOOA 29:24

Heé nee fisusmo al'eemá' a slafiingós guna sií', Lo'ór heé ta gaa fiís bir ngaa axaás inós i gaa ooiiká.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 1:22

Peésaarók aa xwaansláy tleehhít, nee difaáirók kaa aleedoók ar ma'aay.

ISAYA 28:14

Gawaá adoorihe, kuungaásingá' niquuse, axweesantá AAKOÓ MUNGÚ iiárií qaasaak, kuungásingá' waawuti'ii'imá' baraá Yerusalemuro.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 30:1

AAKOÓ MUNGÚ i kaahi, «Tsaxwaaín na/iidá' aníng iga aahhiye', kudá' gurbu'úngw sla'á', ala kwe'eé' ngu slaiiaaká, kudá' dinku'uumár nee muu ngi sla'á', ala ar qeeruueé' ngi slaiiaaká, as kahhó' pa/ángw tlakweema ngir iinkikii/iyá' nguwa slaya'.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

YEREMIA 32:32

Asma múk Israeli nee oo Yuda tlakweemaá yaariir ngina tleehhiyé', nee aníng iri buhhtisiyé', inooín nee waawitaáine, nee geeraharuuser'ine, nee aaruuser'ine, nee kaahamuuser'ine, nee múk Yuda nee yaamuloouusér Yerusalemuro.

YEREMIA 4:17

Yerusalemu ngiri harweeriyá' adór xuumuusér qamu, asma mukós aníng ina aáhh. tí AAKOÓ MUNGÚ tí ngina oó'.

YEREMIA 5:5

Aníng a axweesantá áw dír geeraharuuser'ín, inooín gár Mungú i slai ngi xuiyá', nee dabeerose.» Ala inooín sleémeero i alqoná' waawuti'iimár AAKOÓ MUNGÚ ngina si'iyé', nee iialooeesaro nguna si'iyé'.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

ESEKIELI 12:2

«Heewí, kuúng dír ta hot a dír tla/ángw múk aa dee/anumiit. Inooín i ilaá koná' ala i xumisiaaká, i iaá koná' ala i axamisiaaká.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

HOSEA 4:18

Inooín a adór múk aa xufiit, sleémeero naa kilooín /eetiyé' baraá fuqi muruú gi mureekeemiís ngu slaiyá' ta muruudá' gi xirfayeesa.

HOSEA 5:10

Geeraharuusér Yuda ni hardát, inooín a adór múk digeemaá hingeemiís. Aníng inooín in i buhhtaeéní ku'uús adór ma'áy wa alé.

HOSEA 9:15

Tlakweemaín sleémeero dír ni dahhiya' a Gilgali, asma amorqá' an amór ngiwa geerií aáhh. Aníng inooín i guús baraá dooeene, asma tlehhmi'ii'ín awa tlakw Aníng inooín i malé sla'aaká, geeraharuuser'ín sleémeero aa dee/aanuumít.

AMOS 5:12

Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

SEKARIA 7:10

Slám kwaalo'o ma baramaanusaara' laqaá panaay, laqaá hoomoó ayaahúng hoót, laqaá narkutmo, laqaá hee inslawoó tlákw munguwa áy baraá muunaáwose daanduú hhiyaawose.›

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

FAARO 22:7

Naagáy geeraharuusér Moabu nee ar múk Midiani tari tláy, tari amór Bala'amuú káy, i peésár bu'utuú qwaslaarmoó koná'. Tawa hardáh ya/abtór Balaki kari oó'.

Matayo 21:13

Iri oó', «Kaa gooín, ‹Dooeé' ku bay a doó saaliingw.› Ala hám daxta kuungá' ugwa mar'ír fisuuse tlehhé'.»

Marko 11:17

Giri intsaahhatimís iri oó', «Kaa gooinkáhe, ‹Dooeé' ku bay a doó saaliingw dír xoordu sleémeerowo.› Hám daxta kuungá' ugwa mar'ír fisuuse tlehhé'.»

Luka 19:46

guri báy, «Kaa gooín, ‹Dooeé' a doó saaliingw.› Hám daxta kuungá' ugwa mar'ír fisuuse tlehhé'.»

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.