ISAYA 1:19 - Biblía Axweesantá Hhohho' ar Mungú 2004

¹⁹ Bar aga ya/aandé' nee tay iialooeesé', daqaní hhooeemaá yaamu i /agá'.

ISAYA 1:19 Iomraidhean Croise

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

YEREMIA 21:8

Kuúng Yeremía, mukwí ku beer, AAKOÓ MUNGÚ i kaahi, «Ga/aawaak, aníng kuungá' naa pa/ángw tsawdoórí haniís, ar loohír slafiingw kawa ota', laqaá loohír gwa'ara.

YEREMIA 7:3

AAKOÓ MUNGÚ Aleesleemusmo, Munguú múk Israeli, i kaahi, hotaahúng qoomeesaak nee tlehhmi'iihúng gan'aasaak, daqaní án kuungá' nu ya/aám tawa baraaká' wa hota'.

YEREMIA 7:5

«Ala barnaxes hotaahúng iga warqesé' nee tlehhmi'iihunge, nee kuungá' kiloohúng bar gan'amúr hotá'.

YEREMIA 7:7

daqaní aníng kuungá' nu ya/aám tawa baraá yaamuuká' wa hota', kuká' naa baabi'iihúng i haniís, iimír aange.

Yoeli 2:26

Kuungá' muruú /aymár yaariír un /agá', tay axá', umuú AAKOÓ MUNGÚ, Munguúhúng kuri xirfayeemisá', kudá' naa muruú waa/o/amór i tleehh. Nee muk'eé' kureeriwo ku malé mureekeesiiká.

TLAHHOÓ LAÁWI 25:19

Yaamu mamuuwós ngin duuxiyá' kuungá' kiri /agá', tari baraasíng wa hotá' ar saxareema.

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

TLAHHOÓ LAÁWI 26:5

Balaangw slahhaango an kumaamitá' ay qoomár bu'úngw sabiíbu, nee bu'úngw sabiíbu ay qoomár tawa dahaasin. Muruú /aymár bu'uút un sleerá', nee an hotá' ar amohhooa baraá yaamuuhunge.

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

DABE 28:1

«Kuúng barnaxes afór AAKOÓ MUNGÚ, Munguúwók aga iialooés, nee aga ilakaaharés, hara'ayaarí laarí ni kuúngií hara'ayiyiim bara harmagáhh, inós kuúng u iiatleerees baraá xoordaá daanduú yaamuwo.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.