ISAYA 1:18 - Biblía Axweesantá Hhohho' ar Mungú 2004

¹⁸ AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 1:18 Iomraidhean Croise

YOBU 9:33

Ala heé tla/angwrén i dáh tam oo wák i kaahh, oo kwasleemár aníng nee Mungú ga tsaát.

WARA'AMI 51:7

Hhoohhoeesáng ar hisoópo, aníng daqaní ti hhoohhoó', hamaatláng, aníng daqaní ti /awaák adór tla/aá tluwaay.

WARA'AMI 51:9

Ilaawók tuuntukeek, tlakweemaaeé' mi i qaytaar, iringér'eé' hamaatleek.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 3:13

AAKOÓ MUNGÚ daxta taa amohhe'eés sakwasleemaro, aa sihhiít as mukós nguwa sakwasleemuuti.

ISAYA 41:1

Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 41:21

AAKOÓ MUNGÚ, waawutmoó Yakobo i kaahi, «Kuungá' munguaá xoordu, sakwasleemarhúng huwaare', axweesantahúng tidá' ta koonda ooár awaare',

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 50:8

Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 2:5

AAKOÓ MUNGÚ i kaahi, «Xáy, gár tlaakw ar baabi'iihúng na ariyé' dir'eene a milá, tam tari puruúts dir'eene, tari eeharín alaá muruú tawór wa alé, nee inooín niri tawo tleehhitiyé'.

ESEKIELI 18:27

Ala heé tlaákw bar tlakweemaawós gaa máy tlehhtuuwo, muruú ganaá' nee oo qoóm gway tleéhh, heewí slafiingós gu tuu/.

ESEKIELI 33:16

Tlakweemaawós kudá' sleémeero aáng aa tleéhh ki inslayká daanduuwós i ale, asma inós tidá' hariim nee hhoo' gaa tleéhh. Gawaá adoorihe heewí in hoot.

MIKA 6:2

Kuungá' tlóm'i, kwasleemár AAKOÓ MUNGÚ iiárií qaasaak, nee kiíng iihhafiirír gawit ar yaamu ar kureerisleém, iia qaaseek sleeme. Asma AAKOÓ MUNGÚ i kwasleemár kón daanduú mukose, nee muxta ngi huuw amor'ín i alé.

Tlehhema'aá ya/Abuuse 17:2

Paulo iri baraadí dáh adoodá' /iisí i tlehhahhiti. Deelo tám ar Sabaáto gari baraadá' wa hhe'eés, tiwa tlaampa'aamisiya' nee múk Yahudi daanduú Gooír axweesantá Munguhe.

Tlehhema'aá ya/Abuuse 18:4

Umuúqo deelór Sabaátoro Paulo ina dáh baraá doó saaliingw, múk Yahudi nee oo Yunaniro guri intsaahhatimís as ngiwa ar ba/i.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.

1 SAMUELI 12:7

Gimsé', sihhiité' diisír kilá', as kahhó' AAKOÓ MUNGÚ sakwasleema ngiwa tleehhi tla/ángw aníng nee kuungae, nee aníng tlehhma'aá ba/ama awa AAKOÓ MUNGÚ ngi dirhúngí alki/iít kudá' aa tleéhh dírhúng nee dír baabi'iihúng.