ISAYA 1:15 - Biblía Axweesantá Hhohho' ar Mungú 2004

¹⁵ Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 1:15 Iomraidhean Croise

1 WAAWITÁ 8:22

Aluuwo Solomon iri sihhiít geeraá kitangwdá' AAKOÓ MUNGÚ kuwa ilahhooárí hanmamisi, dabaawós giri gáwtí tleés geeraá boo/oó múk Israelír wa ale.

1 WAAWITÁ 8:54

Qoomár Solomon muruuwí sleémeero firooro nguwa hhe'eés dír AAKOÓ MUNGUHE, iri sihhiít didá' aáng ii tumbararaa'ati, dír geeraá kitangwduú ilahhooa geeraá AAKOÓ MUNGÚ, didá' dabaawós ngiwa gawti tleés.

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

YOBU 27:20

De'e gun bitlbitlár eér, adór gwaanduú ma'aay. Bambaao gun xweeraá haradát guri ar darát.

YOBU 35:13

Looeemaawo Mungú /aa/aá gaa wasl gi axaasiiká, Munguú Aleesleemusmo múk adoorí gu iiárií qaasiiká.

WARA'AMI 134:2

Dabaahúng gáwtí tleesaak amoodá' hhoohhoó' i alé, AAKOÓ MUNGÚ xirfayeemisaak!

WARA'AMI 55:1

Mungú, na'ás, firor'eé' iiárií qaaseek. Ma nahhataar bur gurtleemuú i fiririím.

WARA'AMI 66:18

Geera bar muruú tlákw un inslaasláw baraá muunaáeene, AAKOÓ MUNGÚ geera iga axaasiiká.

TI'INAANGW 9:29

Mose Farao guri báy, «Aníng bara sa ti'iít baraá gixsarihe, dabaaeé' in gáwtí tleés amór AAKOÓ MUNGÚ, kwarara/aarí nee tluwaywuú tlaa/eewo niri faakiyá', kuúng kari tsáhh adór yaamu tar awa AAKOÓ MUNGÚ.

AXWEESANOÓ SAGALOOA 1:28

baalaadae aníng in atetá', ala a ooimaaká. Iri leelehhitá' ar ilakaahara, ala i aanda'aaká.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

ISAYA 4:4

Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

ISAYA 45:15

Aá Munguú Israeli, ba/amusmo, looeemaawo kuúng a Mungú, ilaawo tu ar'aa'ariiká.

ISAYA 58:4

Gaa/awaak, kuungá' gár tas gwaawiwindá' a tí kilós tawa giliinda', nee tawa slaqwa' nee tiwa tuu'uta' ar kuundi'i. Gwaawitór adoorí laarí tar gwaawiwinda', firorhúng ngi hardahaská dir'eé' tidár gawa.

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

ESEKIELI 11:6

Kuungá' múk yaariír ugwa tsu/é' baraá gixsarihe, nee lohuuwós iga dala/é' tu'uuine.

ESEKIELI 14:3

«Heewí, mukwí muner'ín kaa óh nee slaqsa'aá munguaá hatlá', munguiiká' muu ngun gan'amisiyá' baraá tlakweema. Xáy, iqo hariínda tiwa hara'ayárí leehhi nee mukwí?

ESEKIELI 39:23

Xoordaá hatlá' ngiri tsaahhiyá' adór múk Israeli gár isa diya/aát tar tlakweemaín kudá' taa tleéhh dir'eene. Nina dee/aanutiyé' aníng ngiri alaá xu'ús as miwa ariyé', nee ngiri qaás gawaá dabaá wakuuser'ín as kiwa tsu/i.

HOSEA 5:6

Inooín ta tláy nee bee/aangw'ine nee hikwaaine as AAKOÓ MUNGÚ kuwa leelehhtuú ay, ala ngu ariiaaká. Asma inós taa paraátl dir'ine.

MIKA 3:4

Ala qooma ni hardát ar geeraharuuseerí AAKOÓ MUNGÚ nguwa firirin, ala qoomaarihe inós gi iiárií qaasiiká. Inós gitsee/aawós gin luu/ asma har qoomoó tlehhemi'ii'ín kudá' tlakw naa tleehhiyé'.

SEKARIA 7:13

Adoodá' anuú AAKOÓ MUNGÚ Aleesleemusmo inooín ngira ateetiím niri axasi'iiká, inooín sleeme aníng i ateetiyá', ala aníng i iiárií qaasaaká.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 6:7

«Kuungá' bar Munguú firiiriindá', /ayma'aá yaariir mir firiiriimaara' adór múk xoordaá hatlá'. Asma inooín ngi xuiya' ki iiárií qaas nee Mungú asma /aymi'ii'ín kudá' yaariir.

Yohana 9:31

A xuaán adór Mungú múk tlakweemaá koóm ngur iiárií qaminká. Ala heé Mungú ilaiwawaá/ nee sla'aarír Mungú ga tlehhiít, heé adoorí Mungú gu iiárií qaas.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.