ISAYA 1:14 - Biblía Axweesantá Hhohho' ar Mungú 2004

¹⁴ Deelorhúng tidá' uren ar slahhángw /abén nee tidá' taa hara'ayini aníng aga aáhh, muruuwí a adór huwár iiloo' dir'eene, aníng alqitluuwo ugwa harslaaqaát.

ISAYA 1:14 Iomraidhean Croise

1 QOM'I 23:31

Qoomár deelór Sabaátoro nee deelór slahhángw /abén nee deelór hatlá' ar urene ilahhooár da/a kawa hanmiís dír AAKOÓ MUNGÚ. Dabe kana qaás adoodá' múk Laáwi faaror'ín i diri'. Múk Laáwi gadiyér'ín tí kan tlehhiit dír geeraá AAKOÓ MUNGÚ wa ale umuú daqto.

ISAYA 29:1

Tsaxwaawók, aá gixsár Yerusalemu, kitángw ilahhooa kawa hanmiisi dír Mungú, gixsadá' Daudi aa xaftós tleéhh. Kureeri i hardarahiyá' nee i waraahhiyá', nee deeloorók ar uren i kumít iwa tleehharumit.

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 43:24

Aníng kuungá' iga mooyángw tsuúi tlaxwi'iiká ar peésarhúng. Laqaá aníng iga aaxisi'iiká ar ilahhooár muruú ta tsu/i oo wahhaár. Ala aníng tlakweemaahúng iga al'iloouyé'. Aníng iga slaaqatisé' ar dakumisuuhúng.

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ISAYA 66:23

Anuú AAKOÓ MUNGÚ a kah, «Umuúqo deelór ur ar slahhángw /abén niwa ti'iít, nee umuúqo deelór Sabaátoro, muu sleémeero nin hardah as aníng iwa sluufmisuú aya'.

ISAYA 7:13

Isaya iri malé oó', «Iia qaasaak, kuungaá guruú doó Daudi! Dirhunge a gár niináwe muu kuwa slaaqatamisa', ahaá, mas Munguúeé' slaaqatisár wa sla'á' sleeme?

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.

HOSEA 5:7

Inooín dír AAKOÓ MUNGUHE naa iia wasleesiyé', asma inooín na/aá taa laqwaál a kudá' tinda tsee/aá wa sláy. Slahhángw /awaák birna ti'iít inooín i hhaná'.

AMOS 2:13

Qaytsiité', daxta aníng kuungá' nu al'iilooúw ar adoodá' gaári kar al'iiloouy nee guniyadaá balaangw.

AMOS 5:21

AAKOÓ MUNGÚ i kaahi, «Deelorhúng tida' ur kuungá' ta tlehhaahhita', aníng a ló'wa sla'aaká, a ló' wa waaqaqaá', aníng ti qwal/atimisiiká nee dinku'uumarhúng ar diíni.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»