ISAYA 1:11 - Biblía Axweesantá Hhohho' ar Mungú 2004

¹¹ AAKOÓ MUNGÚ i kaahi, «Ilahhooár yaariir ar muruú ta tsu/i garós a milá? Aníng aga hhe'eés ilahhooár da/a/aangw ar gwaandaawe, nee di/tá makaá na wahhaaditi'i, Aníng tseerér awe, laqaá ar deeloó bee/aangw, laqaá ar gurtaawe i sla'atamiská.

ISAYA 1:11 Iomraidhean Croise

WARA'AMI 40:6

Kuúng ilahhooár muruú ta tsu/i nee ilahhooár hatlae i waatlakweemiská, iga iia fooxís gawaá tihe. Ilahhooár da/a nee ilahhooár tlakweema hingeemis kuúng a waatlakweemiská.

WARA'AMI 50:8

U iigahhamitaaká as ilahhooarók tidár muruú ta tsu/i, nee ilahhooarók ar da/a i dír geeraaeé' qooma sleémeero.

WARA'AMI 51:16

Asma tu sla'atisiká nee ilahhooár muruú ta tsu/i tam ngi duuxa, kuúng u qwal/atiská ar ilahhooár ta da/aa/an.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

ISAYA 66:3

Ala mukwí adór i slaiya' ngin tlehhiitiyá', dir'ine dimbé i káhh bar awu ngwa gaasiyé', laqaá hee, Bar deelmoó bee/i ngwaa ilahhooár wa haniisiyé' laqaá seeaay. Bar balaangw ngwa ilahhooár wa haniisiyé' laqaá tseerér baynamo. Bar ilahhooár inslaslaangw ar mooyángw koóm ngwaa haniisiyé' laqaá bar munguúduú murslaaqat ngwa sluufmiisiyé'. Mukwí lohduuín gina kilooín sláy, nee muner'ín ka sla'atamis nee muruuín kudá' ni waak.

YEREMIA 6:20

Asma milá misa ubaánír amór Shebár daáhh i hubé' tidá' mooyángw tsuú' koom? Nee uúdi ar mooyángw tsuú' koom mis nga amór yaamaá saáw wa hubé'? Ilahhooarhúng tidár da/a ka ya/aniká, laqaá ilahhooarhúng tidár muruú ta tsu/i i sla'atimisiiká.

YEREMIA 7:21

AAKOÓ MUNGÚ Aleesleemusmo, Munguú Israeli i kaahi, «Gimsé' ilahhooarhúng ar da/a/aangw doogaak gawaá ilahhooár muruú ta tsu/i nee fu'unaay /ayaak.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

AMOS 4:5

Ee, gimsé', xáy, kuungá' ilahhooár murú ta tsu/i ar sluufaay ar mikaátér taa sluuftís haniisaak, ilahaniisaak umuú diiro adór ilahhooa kara hanisé' ar muunuú /awaák. Asma an adoodá' kuungá' kar sla'a', kuungaásingá' múk Israeli. Anuú Aakoó MUNGÚ tí aga oó'.

AMOS 5:21

AAKOÓ MUNGÚ i kaahi, «Deelorhúng tida' ur kuungá' ta tlehhaahhita', aníng a ló'wa sla'aaká, a ló' wa waaqaqaá', aníng ti qwal/atimisiiká nee dinku'uumarhúng ar diíni.

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

MIKA 6:7

Xáy, AAKOÓ MUNGÚ gwaandaawér kume gu sla'atísa? Laqaá ku sla'atísi nee di/oó wa/amiím adór ya'aá kumér mibaangw? Laqaá na/ay'eé' oo baris un haniísa as dakuúsar'eé'? Xwaylár slaqwte'eé' an haniísa as bu'utuú tlakweemaaeé'?»

HAGAI 2:14

Hagai iri oó', «AAKOÓ MUNGÚ i kaahi, ‹Adoorí an adór xoororí ii diri' dír geeraaeene, nee an adór gadiyér dabaaín ii diri', tam gadaádá' ni ilahhooár wa haniisiya' sleeme kaa meetagaás.› »

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

FAARO 7:45

nee awuú wák oo batlitamo, nee deelmoó gwaanda oo kurkú wák.

Matayo 22:4

Lawaalér hatlá' gari male ya/aáw, gana báy, mukdá' taa dahi'ís bawaagáy, ‹Ga/aawaak, muruú /aymar'eé' ugwa amohhe'eés, awe nee damaay kudaádá' wahhaará' iga hhe'eés tsu/utaaro, nee mura' sleémeero aa hhooáy. Qwalaasaré' amór doó duuxo.›

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.