ISAYA 1:10 - Biblía Axweesantá Hhohho' ar Mungú 2004

¹⁰ Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 1:10 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

ISAYA 28:14

Gawaá adoorihe, kuungaásingá' niquuse, axweesantá AAKOÓ MUNGÚ iiárií qaasaak, kuungásingá' waawuti'ii'imá' baraá Yerusalemuro.

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

ISAYA 30:9

Asma mukwí a múk aa dee/aanuut, inooín a na/aá lamuuse, a na/aá intsaahhatisár AAKOÓ MUNGÚ ngi sla'aa'aaká axaasaro.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 9:26

Múk Misri nee oo Yuda, múk Edomu nee múk Amoni, nee múk Moabu nee kudá' sleémeero se'engw'ín deeqwaquuta, kudá' baraá xaanxoó hootá'. Asma tam xoorduuká' sleémeero kaa hheehhe'esiiká, aqo adór xoorór Israeli, tidá' baraá muner'ine taa hheehhe'eesiiká.»

ESEKIELI 13:2

«Heewí, aaruusér lama ar múk Israeli iigahhaateek, tidá' inslawoó sager'ín kah, muruú aníng naa oiiká, kibeeto, ‹Gár anuú AAKOÓ MUNGÚ ni kah iiárií qaasaak.›

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

ESEKIELI 16:49

Dakuúsár hho'oorók Sodoma a tí. Inós nee dasuuwós muruú /ayma nee balángw yaariír nguwa slayé', daara/ángw yaariír gina áy, tari pora/amuút, kudá' dabe kaaharen alee/iisaro ngina gunqareesiyé'.

AMOS 3:1

Gimsé' daxta, /aymi'iiká' AAKOÓ MUNGÚ aa axweés daanduuhunge iiárií qaasaak kuungaásingaá múk Israeli, xooroorí sleémeero inós naa duúx baraá yaamaá Misrír wa alé,

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

AMOS 9:7

AAKOÓ MUNGÚ i kaahi, «Xáy, kuungá' múk Israeli, dimbé iqo deéro nee múk Kushi? Múk Filisti una duúx baraá yaamaá Kaftori wa ale, nee múk Aramu baraá Kirír wa ale. Ahaá aníng xoorór Israeli ngaa duuxikáhe baraá yaamaá Misrír wa ale?

MIKA 3:1

Nari oó', «Na'asé', iia qaasaak, kuungá' geeraharuusér doó Yakobo, kuungaásingá' awa doó Israeli ngu sawaawuti'iimá'! Xáy, i hariindaakáhe kuungá' muruú ganaá' kuwa xua'?

Rumi 9:29

Nee slám Isaya gaa qaroó geerií oó' iwa kaahi, «Aakoó Aleesleemusmo geera bar xwayla ngaa amooréní meetisiiká, atén geera a adór Sodoma, geera taa alqoomeés nee Gomora.»

DABE 32:32

Asma xa'anoó sabiíbuuín a xa'anoó Sodomár daáhh, dír kunguwa huúw a Gomora, sabiíbuuwós a sabiíbuú qarkú koóm, mamuuwós i qarqariyá'.

Geehhoeemaá 11:8

Nee tu'uuín kiri geexáy baraá loohidár gixsár ur. Gixsadá' baraá qeeruuwo umuuwós ta babay Sodoma nee Misri. Nee slám gixsarí an tidá' Aakooín kwi kikií' gawaá msalaába.