ISAYA 1:1 - Biblía Axweesantá Hhohho' ar Mungú 2004

¹ Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 1:1 Iomraidhean Croise

2 WAAWITÁ 15:1

Kurkú mibeeri tsár nee faanqw oo waawuti'iimár Yeroboamu waawutmoó Israeli, Asariya garmoó Amasia waawutmoó Yuda waawuti'iima gana iimu/ún.

2 WAAWITÁ 15:13

Kurkú mibeeri tám nee gwaleél oo waawuti'iimár Asariya oo Yudawo, Shalumu garmoó Yabeshi waawuti'iima gana iimu/ún baraá Israeliro. Inós baraá waawuti'iimaro slahhaangw ngwa /aáy a wak, baraá gixsár Samariaro.

2 WAAWITÁ 15:32

Kurkú tsár oo waawuti'iimár Peka garmoó Remalia oo Israeliro Yotam garmoó Usia waawutmoó Yuda waawuti'iima gana iimu/ún baraá Yudawo.

2 WAAWITÁ 15:7

Asariya iri gwaá', kway foól baraá /antaá waawitá kudaá baraá gixsár Daudi didá' baabi'iiwós kay foól. Garmaawós Yotam iri waawuti'ín kitaangós wa ale.

2 WAAWITÁ 18:1

Kurkú tám oo waawuti'iimár Hoshea garmoó Ela, waawutmoó Israeli, Hesekia garmoó Ahasi waawutmoó Yuda waawuti'iima gana iimu/ún.

2 WAAWITÁ 19:2

Inós Eliakimu guna ya/aáw, hedaáduú úr oo doó waawutmo, nee Shebna kuduú goousmo, nee kaahamuusér Mungú tidá' aa diimaadiin. Inooín tlabaá guniyadu ngina tsiitiyé', nay amór aarusmo Isaya garmoó Amos kayé',

2 QOM'I 26:1

Aluuwo múk Yuda sleémeero Usia garmoó Amasia, qoomár kureeriiwo tawa mibaá nee lahhoó', kuri tsawaár tawa waawutmo, kway kitángw baabuúwós wa qaás.

2 QOM'I 26:22

Tlehhma'aá hatlá' awa waawutmo Usia iimír iimu/uungw ay alhhe'eesay kaa gooín baraá kitaábuú aarusmo Isaya garmoó Amosi.

2 QOM'I 27:1

Yotam waawuti'iima ngiwa iimu/ún kureeriiwós a mibeeri tsár nee kooán. Inós waawuti'iima baraá Yerusalemu nga /aay kureeri mibaá nee lahhoó'. Umuú aayoorós a Yerusha dasír Sadoki.

2 QOM'I 28:1

Ahasi waawuti'iima ngiwa iimu/ún kureeriiwós a mibeeri tsár, ina waawuti'ín Yerusalemúr wa ale kureeri mibaá nee lahhoó'. Inós loohidá' hhoo' ar baabuúwós Daudi ga eehariiká, kángw AAKOÓ MUNGÚ sla'atimisaaká guna tleéhh.

2 QOM'I 29:33

Ilahhooár hhohho' ar taa haniís a awe tsiire lahhoó', nee bee/aangw kume tám.

WARA'AMI 89:19

Kuúng iimír aange sagadiyuuseerók ana baraá iigu'utúr beér, «Slamángw waawuti'iima ugwa haniís dír heé wák oo pihh'uumár koóm, ugwa xirfayeés kudá' aníng naa tsawaár baraá tla/ángw múk wa ale.

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 2:1

Kaangwí an axweesantá Mungú ar Isaya garmoó Amos aa axaás daanduú múk Yuda nee Yerusalemuro.

ISAYA 20:2

qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo.

ISAYA 21:2

Iigu'utuú xaraásl kunguna aníngí laqán, daanduú heé al/aymusmo iwa al/agin nee daanduú hhituusmo iwa hhitiitin. Kuungaá múk Elamu, tlawsé', gawa i tsa/amak. Kuungaá múk Medi, tlawsé', haratlawé'. Mungú slahh'amu sleémeero gu faak, kudá' tindi haahuwi nee múk Babuloni.

ISAYA 37:2

Eliakimu kuduú sagesihhtusmoó doó waawutmo guri ya/aáw dinkwa nee goousmo Shebna nee kaahamuusér Mungú ar uren tawa daqay amór aarusmo Isaya garmoó Amosi, inooín guniyadu ngaa tsiitiyé'.

ISAYA 38:1

Deeloodae waawutmo Hesekia tiqti guri eér, gwa'ara gari nakaá/. Aarusmo Isaya garmoó Amos iri amoorós káy, guri báy, «AAKOÓ MUNGÚ i kaahi, kuúng gwa'araro a pa/ká, gimáy kángw do'ók qoomeeseek.»

ISAYA 40:9

Kiíng Siyoni tsa/ám gawaá tloomár tleer, kiíng gixsár Yerusalemu, tseé' ar afór ur, ya/abtór hho' alki/iiteek gixsadaá Yuda kibeer, «Munguúhúng ni hardah.»

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

ISAYA 7:1

De'emaá waawutmo Ahasi garmoó Yotam, garmoó Usia, tawa waawutmoó Yuda, qoomaadae slaqwara nina /awuúr. Resini waawutmoó Aramu nee Peka garmoó Remalia, waawutmoó Israeli, gixsár Yerusalemu kana i haratláy, ala ngaa hayohi'iiká.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

HOSEA 1:1

Kaangwí an axweesantá AAKOÓ MUNGÚ ar Hosea aa axaás, garmoó Be'eri, de'emaá waawituú yaamaá Yuda tawa Usia, nee Yotam, nee Ahasi nee Hesekia, nee waawutmoó yaamaá Israeli tawa Yeroboamu garmoó Yoashi.

AMOS 1:1

Kaangwí an axweesantá Amos, de'eemusmoó gixsár Tekoár daáhh. Geehhoeemaá aa ár daanduú xoorór Israeliwo kureeraá tsár geeraá kurkú kunseeliro, de'emaá Usia tawa waawutmoó Yuda, nee Yeroboamu, garmoó Yoashi tawa waawutmoó Israeli.

AMOS 4:5

Ee, gimsé', xáy, kuungá' ilahhooár murú ta tsu/i ar sluufaay ar mikaátér taa sluuftís haniisaak, ilahaniisaak umuú diiro adór ilahhooa kara hanisé' ar muunuú /awaák. Asma an adoodá' kuungá' kar sla'a', kuungaásingá' múk Israeli. Anuú Aakoó MUNGÚ tí aga oó'.

MIKA 1:1

Kaangwí an axweesantá AAKOÓ MUNGÚ, tidá' Mika aa axaás, heé gixsár Moresheti, de'emaá waawituú yaamaá Yuda tawa Yotam nee Ahasi nee Hesekia. Inós axweesantí gana axaás ar loohír iigu'utuú aa araa'ár daanduú gixsár Samaria nee ar Yerusalemuro.

NAHUMU 1:1

Kitaábuuwí gár i kaahi a iigu'utuú daanduú gixsár Ninewi, kudá' Nahumu aa ár, heé yaamaá Elkoshi.

HABAKUKI 2:2

AAKOÓ MUNGÚ aníng iri báy, «Iigu'utuuwí gooiimeek gawaá peehhi, geehhooeeseek as kahhó' umuúqo heé didár waaraahha kangwsíng ngu soomuusi ar adór inslaahh.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

FAARO 24:16

A aarír heé axweesantá Mungú ga axamiís, nee xu'utír kudá' gáwtí dirií' gari tsaáhh, heedá' iigu'utuú Munguú Aleesleemusmo gu araa'ár, kudá' aa tumbarara'aat ala i xumiis.

FAARO 24:4

A aarír heé axweesantá Mungú ga axamiís, heedá' iigu'utuú Mungú Aleesleemusmo gu araa'ár, kudá' aa tumbarara'aat ala i xumiis.

Matayo 17:9

Qoomár niwa gawaá tloomár wa awdiitiya', Yesu eeharuuseerós gari báy, «Kaangwí taa aandé' mu baloó heé bawaara' ay dír Garmoó Hee ni baraá gi'i wa waaslee/i.»

Tlehhema'aá ya/Abuuse 10:17

Qoomár Petro iwa adór i laqi aldakuuti daanduú iigu'utuudá' aa ari mukdá' taa ya/aáw nee Kornelio naxés naa hardáh ta doó Simonuú yaahamiis, taa afkú slúmtí sihhiít,

Tlehhema'aá ya/Abuuse 26:19

«Gawaá adoorihe, waawutmo Agrípa, aníng iigu'utuudá' gawaá dooraá daáhh ugwa si'iiká.

2 korinto 12:1

Aníng gár tiwa hariím tin kilooeé' xirfayeemiís, tam adoorí gár i bu' i kahha. Ala daxta aníng a kumiít axweesanto kángw iigu'utu nee geehhooeemisuuduú Aako naa aníng i laqán.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.