IIMU/UUNGW 9:9 - Biblía Axweesantá Hhohho' ar Mungú 2004

⁹ «Ga/aawaak, aníng hamí alqador'eé' ngi kuungáí haniís, nee xwaylarhúng.

IIMU/UUNGW 9:9 Iomraidhean Croise

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

IIMU/UUNGW 6:18

Ala án kuúng u alqadór i haniís. Kuúng an dát baraá miringamo nee na/iiwók nee hareerók, nee tlaawoó daaqaywók.

IIMU/UUNGW 9:10

Slám nee umuúqo gár slafa, tsir/o nee makaá ta de'ena nee makaá sla/ato, kudá' sleémeero nee kuungá' naa alti'ite' baraá miringamoó wa alé.

IIMU/UUNGW 9:11

Aníng alqador'eé' an gawdeés dirhunge, ar aníng muruú slaáf sleémeero nguwa baloó qwaareesaaká ar tluwoó da/tén, tam tluwoó da/tén oo adór kwí i baloó ki/iiká yaamu ngiwa hhitin.»

IIMU/UUNGW 9:17

Mungú Noa guri báy, «Gaarí an layár alqador'eé' ar naa tleéhh nee muruú slaáf sleémeero kudá' baraá yaamií dirií'.»

IIMU/UUNGW 9:8

Mungú Noa nee daaqaywós gina báy,

YEREMIA 33:20

AAKOÓ MUNGÚ i kaahi, «Barnaxes alqador'eé' tidá' naa tleéhh dír tlaatla/aangw nee xweera hhitiimaro bara aleesleér, tam tlaatla/aangw nee xweera qom'ii'ín kudá' taa qaás ngay dakuusiyé',

Rumi 1:3

Ya/abtoorí a kángw Garmaawós, Aakoorén Yesu Kristo. Inós an hee, nee tlahhaywós oo baraakaá yaamu a tlahhoó Daudi.