IIMU/UUNGW 9:5 - Biblía Axweesantá Hhohho' ar Mungú 2004

⁵ Aníng tseererhúng a li/aay buú'. Hee bar hee ngwa gaás, aníng heedá' u gaás sleeme. Laqaá tam makiito'o hee burngwa gás, aníng inós a gaás sleeme.

IIMU/UUNGW 9:5 Iomraidhean Croise

IIMU/UUNGW 42:22

Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

2 SAMUELI 4:11

Xáy, hamí heé tlaákw bar heé gan'amuú koóm ngwa gaás gawaá qatnírí ale dír do'ós, xáy, i gana'káhe dír'eene marmaárí ngiwa buu'. Asma tseere gaa ku'uús as heedaadá' nguwa gaás, guri hingeés baraá yaamuwo.»

1 WAAWITÁ 2:6

Gám daxta adoodá' sagalooarók i diri' na tleehheek, inós se'eemír /awaak mingiwa dán nee miwa gwaá' ar wayda.

2 WAAWITÁ 11:1

Atalia aayór waawutmo Ahasia kaangwí nguwa axás adór na/aywós kura gaás, inós iri tleér na/aá doó waawutmo sleémeero giri hhaamis.

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

2 QOM'I 33:24

Aluuwo sagadiyuuseerós guna fuquraángwár gás baraá doó waawuti'iimárií alé.

2 QOM'I 33:25

Ala múk Yuda mukdaádá' Amoni gwa naaqo gaas kuri tsuú/, muu garmaawós Yosia guri qaás kitaangós wa ale.

WARA'AMI 9:12

Asma Munguúduú li/oó tseerér liitlakuuse ga bu'uúm, inooín gi inslasláy. /Aa/eeín gi gunqaaresiiká.

TI'INAANGW 20:13

«Hee mu gaasaar.

TI'INAANGW 21:12

«Heé kuqá' gwa muux iri gwaá', inós sleeme aqo kun gaas.

TLAHHOÓ LAÁWI 19:16

Ma baloó kwa'afeeraá maraá múkwár warahhaar tawa mar'eefoowók safolit. Hotaá inslaawmoowók mi baraá tsaxwaá gwa'aarárí dahasaar ar axweesanaywók. Aníng an AAKOÓ MUNGÚ.

TLAHHOÓ LAÁWI 24:17

«Umuúqo heé hee gwa gaas, inós sleeme gár kuwa hariím kun gaas.

TLAHHOÓ LAÁWI 24:21

Oo slee gaa gaas gár kus hariím a bu'utu gun haniis, ala heé hee gwaa gaas a inós kun gaas.

FAARO 35:16

«Ala bar hee kuqá' ngwa slaáhh ar muqsli iri gwaá', heewí a tsu/utusmo, nee inós gár kuwa hariím a kun gaas.

FAARO 35:17

Umuúqo heewo oo hee gwaa dalaa/ ar tlaa/ano, iri gwaá', heewí a tsu/utusmo, gár inós kuwa hariím a kun gaas.

FAARO 35:18

Barnaxes gár ngura slaáhh a hhara iri gwaá', heewí a tsu/utusmo, nee hariímaro a kun gaas.

FAARO 35:21

laqaá guna tuú' ar kundaay iri gwaá', naagáy heewí hee gwaa tuu' ar kundaay iri gwaá' a tsu/utusmo, nee gár kuwa hariím aqo kun gaas. Heé guruú doó kudá' taa gaás an heé li/aay gu buú' bir taa sa doogiyé'.

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.

Tlehhema'aá ya/Abuuse 17:26

Inós xoordu sleémeero gina iihhaáf baraá heé wák wa aleeró, giri qaás baraá yaamu sleémeero. Inósuú kilá' iimír aange qom'i gina qaás, nee harki/isoó hotangw'ine.

DABE 19:11

«Ala barnaxes hee wakusmoowós gwaa haramamahhaát guri gaás, aluuwo iri goów baraá gixsaduudaá guwaay,

DABE 19:12

bariisér gixsadá' muu ngu ya/ap, as heedaádá' kuwa baraadá' wa duuxi, kuri haniis dír kudá' li/oó bu'uúm daanduú heedá' aa gaás wa alé, as kuwa gaasi.

HAR'OHUUSE 9:56

Adoorí an adór Mungú Abimeleki ngura slahh'eés as dakuúsár na/aá baabuúwós awa mibeeri faanqw ngiwa tsuú/.