IIMU/UUNGW 9:21 - Biblía Axweesantá Hhohho' ar Mungú 2004

²¹ Difaáír sabiíbudá' ngiwa wahán, ina ooniít, tlaba' giri kwaáhh, iri qaát ar /aankwets baraá heémarose.

IIMU/UUNGW 9:21 Iomraidhean Croise

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

IIMU/UUNGW 9:20

Noa ina doósl. Inós a heé geera oo xaa'aá sabiíbu gaa dahaas.

AXWEESANOÓ SAGALOOA 20:1

Difaái hee gun niqár eér, xufta hee gu tsimaahhír ar eér, nee heé muruuwí gu slaá' i sagalooár konká.

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

1 Korinto 10:12

Gawaá adoorihe heé ti kilós xuú' adór ira sihhiít, inós ti harmagaahhi miwa huú'.

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.