IIMU/UUNGW 9:20 - Biblía Axweesantá Hhohho' ar Mungú 2004

²⁰ Noa ina doósl. Inós a heé geera oo xaa'aá sabiíbu gaa dahaas.

IIMU/UUNGW 9:20 Iomraidhean Croise

IIMU/UUNGW 3:23

Naagáy AAKOÓ Mungú giri duúx baraá asalmooduú Edeniro, as yaamu ngiwa doosli, kudá' hhaper'ín inós kura tleéhh.

IIMU/UUNGW 4:2

Aluudae iri xwayluúr Abeli, hhiyoó Kaini. Nee Abeli a heé bee/ángw deaaeém, nee Kaini a dooslusmo.

IIMU/UUNGW 5:29

Guri umií tsaát, guri báy Noa, iri oó', «Kwí an kudá' atén ti gurkwa/ás baraá slahh'amkú gadiyér gawide, qoomár yaamuká' kiwa dooslaan, awa taa lu'ús nee Aako.»

IIMU/UUNGW 9:19

Daaqaywí tamaawo an daaqoó Noa. Xwaylar'ín iri kumít, yaamu niri hatsiyé' muko.

IIMU/UUNGW 9:21

Difaáír sabiíbudá' ngiwa wahán, ina ooniít, tlaba' giri kwaáhh, iri qaát ar /aankwets baraá heémarose.

AXWEESANOÓ SAGALOOA 10:11

Afkú heé ganaá' a kutltá slafiingw, ala afkú heé tlaákw gár gwaa hatsis a afaatli/a.

AXWEESANOÓ SAGALOOA 12:11

Dooslusmoó ilakaahaár kuuntirós ga dalaa/ balaango, Ala heé muruú tawo gu eeharaahár i fuqurángw konká.

AXWEESANOÓ SAGALOOA 24:30

Bihhaá qaymór tli/usmo ana ar waaraáhh, bihhaá qaymór sabiíbu ar heé sagawásl ana ar óh.

DAHARUSMO 5:9

Gawaá tí sleémeerowo waawutmoó gadiyuús an kudá' muu gu ale/iís.

DAA'AANGW 1:6

Aníng mi i qaytsimiitara' asma tiwa boó/, asma án tina boo/eés nee tsee/amá. Hhaee'eé' awa daaqaay ina i buhhiyé', Iri xuumusmoó qaymór sabiíbuú wa qaasiyé'. Ala qaymo te'eé' ar kilá' aga xuumiiká.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

DABE 20:6

Hee i deéro diirihe oo sabiíbu gwa dahaas handá' mamaá geera gaa tsaqiiká? Bir deer i watli amór do'ós. Aluuwo burkwa gaás baraá slaqwaraaro heé hatlá' mamaá sabiíbuudá' giri giiriis /aymaaro.

DABE 28:30

«Kuúng bar dasi aga sa'axwés, inós nee heé hatlá' tan alqaat. Do' bura tleéhh, a baraadá' wa hotká. Xaa'aá sabiíbu bira dahás, mamuuín i /agká.