IIMU/UUNGW 9:2 - Biblía Axweesantá Hhohho' ar Mungú 2004

² Umuúqo makiito'ór baraá yaamu, umuúqo tsir/ór tlatlaawa gáwtí alé, dinkwa nee umuúqo gár gurúr hi'iimita, nee siyó sleémeero oo baraá tlawi kuungá' nun da'ayumiitiyá'. Muruuwí sleémeero kunga qaás gawaá dabaahúng i alé.

IIMU/UUNGW 9:2 Iomraidhean Croise

IIMU/UUNGW 1:21

Naagáy Mungú makaá uren awa baraá ma'aay giri tleéhh, nee muruú yaariír oo slaáf oo hi'iimiít ar baraá ma'aay, ma'aay niri hatsiyé' muruú slafa, umuú daa'aweemaá dimbadimbehe. Nee tsir/ór daa'aweemaá dimbadimbé gari tleéhh sleeme. Mungú adoodá' aa tleéhh gari ár naxés ka hhoohhoo'.

IIMU/UUNGW 1:26

Naagáy Mungú iri oó', «Hee u tleehhaán ar tlehhmuurén, nee ar slaqsayrén. Nee inooín siyoó baraá tlawi ku sawaawuti'ii'ín, nee tsir/ór gáwtí tlatlaawa, nee makaá ta de'ena, nee makaá baraá sla/a sleémeero, nee muruú gur'eérár hi'iimita gawaá daanduú yaamuwo.»

IIMU/UUNGW 1:28

Mungú giri tsuúq, giri báy, «Laqwaalé', tlahhé', yaamu hatsiisaak, ki sawaawuti'iindá'. Siyó baraá tlawi kusa baaliliindá', nee tsir/ór gáwtí tlatlaawa, nee makaay sleémeero awa baraá yaamaá kaahaare.»

IIMU/UUNGW 2:19

AAKOÓ Mungú umuúqo makiito'ór sla/to gana titi'iís baraá yaamuú wa alé, nee tsir/ór gáwtí tlatlaaw, giri dír heedaádií huúw as ngiwa umeérí tlaaqi. Muruú slaáf sleémeero guri umeérí tlaáq, umeedá' tari umer'ín.

IIMU/UUNGW 35:5

Yakobo nee daaqaywós qoomár niwa aa'aá kaya', Mungú yaamuloouuse nee inslaaway'ine giri dae tsaát, tari qiitliiká daaqoó Yakobo eeharto.

IIMU/UUNGW 9:1

Aakoó Mungú Noa guri tsuúq, nee daaqaywose, giri báy, «Laqwaalé', doogaagimé', yaamu hatsiisaak.

IIMU/UUNGW 9:3

Muruuwí slaáf sleémeero daxta a muruú /aymarhúng. Nguna haniís adoodá' umuúqo gár naa ti'it baraá yaamuwo ngira haniís as tawa muruú /aymarhúng.

YOBU 39:11

/Uuruuwós kudá' yaariír u haraaeéra baraá gadiyeéroge? Laqaá gadiyér gawit ar uwa tu/ i deéro?

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

HOSEA 2:18

Qoomaadae al'axweesani ngiri oó' nee makaá sla/a nee tsir/ór gawaá doori, slám nee naanagár baraá hhape, as miwa slahh'eesiyé', ga/ale nee paánga ngay geeqáw nee xoslaá hatlá' awa slaqwara ngiri hingeés baraá yaamuwo. Aníng kuungá' nuri tsuúq, tari hotá' ar wayda.

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

TLAHHOÓ LAÁWI 26:6

«Nun waydií haniís baraá yaamuwo, tam tari guá', tundu dae tlaaqiiká. Makaá xaraaslá' in hingeés baraá yaamuwo, nee yaamuuhúng slaqwara gi baloó haradatká.

Yakobo 3:7

Asma umuúqo makaá dimbadimbehe, nee tsir/o, nee ya'aawasle nee makaá baraá tlawtí diriiá', de'eengo ki aleesláy, slám kaa qaroó de'én nee muu.