IIMU/UUNGW 9:15 - Biblía Axweesantá Hhohho' ar Mungú 2004

¹⁵ aníng alqador'eé' an insláw, tidá' naa haniís dír kuungá' nee umuúqo gár slafa. Ala tluwoó da/tén i baloó tluwiiká as umuúqo gár slaaf ngiwa hhitin.

IIMU/UUNGW 9:15 Iomraidhean Croise

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

IIMU/UUNGW 9:10

Slám nee umuúqo gár slafa, tsir/o nee makaá ta de'ena nee makaá sla/ato, kudá' sleémeero nee kuungá' naa alti'ite' baraá miringamoó wa alé.

IIMU/UUNGW 9:11

Aníng alqador'eé' an gawdeés dirhunge, ar aníng muruú slaáf sleémeero nguwa baloó qwaareesaaká ar tluwoó da/tén, tam tluwoó da/tén oo adór kwí i baloó ki/iiká yaamu ngiwa hhitin.»

IIMU/UUNGW 9:14

Qoomár aníng yaamu bira tuuntuúk ar huunkáy, nee ga/aleerí bira geehhouúr gawaá huunkayhe,

1 WAAWITÁ 8:23

Iri oó', «Aá AAKOÓ MUNGÚ, Munguú Israeli, Munguú hatlá' oo adór kuúng i kaahh gawaá dooriwo, laqaá tam baraá yaamu sleémeero. Kuúng alqadoorók an boo/eemís, nee sla'aarír warqawaaká ana laqaán dír sagadiyuseerók tidá' ugwa ilaiwa/ ar muner'ín sleémeero.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

TI'INAANGW 28:12

Tlaa/eedá' tsaraawo kin qaas gawaá daanduú naifeéra, Aroni ngi tseegi gawaá sum'iiwós bir dír geeraá AAKOÓ MUNGÚ káy, as tawa inslaslángw tlahh'aá mibaá nee tsár awa xoorór Israeli.

YEREMIA 14:21

Atén miti aahhaar as daanduú kuúng kilók. Kitaangók kuduú xirif mu mureekeesaar, inslaweek alqadoodá' taa qás dirén i aleeró.

ESEKIELI 16:60

Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

Luka 1:72

Baabi'iirén gina gurtleemuú wa ár, alqadoorós tidá' hhoohhoo' gari insláy,

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.