IIMU/UUNGW 8:21 - Biblía Axweesantá Hhohho' ar Mungú 2004

²¹ AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

IIMU/UUNGW 8:21 Iomraidhean Croise

IIMU/UUNGW 3:17

Hhawaata guri báy, «Asma kuúng afór hareerók kawa iiárií qás, mamaá xa'anoodá' uwa báw ‹mi /ayaar› kiri /ák, yaamu kaa lu'ús as kuúng. Kuúng muruú /aymaarók un baraawós wa sleér ar slahh'amuú gadiyér ur baraá slafiingók sleémeero.

IIMU/UUNGW 4:12

Tam yaamu bir dósl, bu'úngw hhó' ngu duuxiaaká, slám kuúng tay heé tawó hi'imaamiít, oo doó hootaaká.»

IIMU/UUNGW 5:29

Guri umií tsaát, guri báy Noa, iri oó', «Kwí an kudá' atén ti gurkwa/ás baraá slahh'amkú gadiyér gawide, qoomár yaamuká' kiwa dooslaan, awa taa lu'ús nee Aako.»

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

YOBU 14:4

Heé gár hhoohhoo' ngi baraá gár slasla/aár wa duúx a heemá? I kaahh tumu wák.

WARA'AMI 51:5

Qaytsiít, iimír aníng tiwa laqwaali a tlakusmo, a tlakusmo iimír baraá guruú aayír'eé' wa ale.

WARA'AMI 58:3

Kudá' gan'amuú kooma'aaká naa qaroó paraanga/iyé' iimír baraá guruuwo. Tam iimír kiwa laqwaali a lamuuse.

WARA'AMI 58:4

Qarkuuín a adór kuquú dayshamo, slaqsay'ín a adór makimbi/itá iia wasl,

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

TI'INAANGW 29:25

Muruuwí ku dir'ín wa ar tleér ku dá/ gawaá kitángw ilahhooa dinkwa nee ilahhooadá' ta da/a/an as tawa slaahhareeraá aníng i sla'atimiisá'. Asma gaarí an ilahhooadá' ta hanmiisi dír AAKOÓ MUNGÚ ar loohirí kawa da/aa/an.

AXWEESANOÓ SAGALOOA 20:9

Heé /aymuuwí ooaro gu qiítl kwí káh, «Muunaáeé' ugwa hhoohhooeés. Tlakweemaaeé' sleémeero iga hheehhe'eés.»

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

ISAYA 47:12

Magaáhh baraá qwaslaari'iimaroge nee da/ariiwók kudá' ure, kudá' handá' aáng taa tlehhít iimír baraá masoombi'imarók doóqa slaasláw a sleér, laqaá ka xu' an baaliín.

ISAYA 47:15

Mukdá' taa harahhíf ador'ín a tí, kudá' taa sagedawiimít, kudá' nee kiíng aga alhi'iimite' iimír masoombi'iimaroge. Inooín tambeera gin áy, umuú heewo iri amoorós xuu', tam oo kiíng i ba/amís i kaahh.»

ISAYA 48:8

Kuungá' kaangwí ugwa axasi'iiká, sleeme ugwa xui'iiká. Iimír iimu/uungo iaahúng i xaaxay'aaká, asma aníng a xuú' adór kuungá' tara naagisé' al/aymaaro, nee iimír xwaylarhunge tunduna báy, dee/anuuse.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ISAYA 65:6

Ga/aawaak, tí kaa gooín dír geeraaeene, aníng a baloó xaslitaaká, ala tí aqo an buú' dir'ín.»

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

YEREMIA 18:12

Ala inooín i kaahiya', ‹Tisíng a tawo. Adoorén tidá' ta sla'aan an eeharaán, nee umuú heewo in hoot ar adór aa ár baraá muunaáwós kudá' tlaakwe.› »

YEREMIA 8:6

Aníng iia ana mak ló'wa siíhh, ala inooín looeema nga ooi'iiká. Heé tlakweemaawós gaa hhu'uu'un tam oo wák i kaahh, oo baraá muunaáwósií káh, ‹Gár naa tleéhh a milá?› Umuú heewo loohirós gana eehár adór farsuú geerií kumiít baraá slaqwaraaro.

ESEKIELI 20:41

Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:17

Inós tsir/idá' gan hhampi'i oh, ala ga tla/a feehhisiiká. Naagáy kaahamusmo gari daa/ gawaá kitángw ilahhooa gawaá migíruuduú baraá asltá gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.»

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

TLAHHOÓ LAÁWI 4:31

Wahhna sleémeero ar leeidá' gari hingees, adór tidár aaraá ta ilahhooár wayduú wa hanmiisi, ka /imaamiisi. Kaahamusmo gari daa/ gawaá kitángw ilahhooa, slaahhareeriiwós AAKOÓ MUNGÚ nguri sla'atisiyá'. Kaahamusmo haraki/isa gari tleehh as daanduú heewí, heewí kuri gurtláy.

TLAHHOÓ LAÁWI 8:28

Mose muruudá' sleémeero guri baraá dabaaín wa taataáhh, guri daá/ gawaá kitángw ilahhooa dinkwa nee ilahhooár da/a. Gaarí an ilahhooár paraatla tidá' slaahhareeriiwós AAKOÓ MUNGÚ ngu sla'atimisá', tidá' ta hanmiisi ar asla.

FAARO 15:3

anuú AAKOÓ MUNGÚ in ilahhooárí hanisá', ilahhooár da/a, laqaá ilahhooár muruú ta tsu/i, as hee al'axweesantós ngiwa boo/eesi, laqaá ilahhooár sla'aari, laqaá ilahhooár deelór uren, tidá' taa qaás as slaahhareeriiwós anuú AAKOÓ MUNGÚ iwa sla'atisiya'. Ilahhooarí ngi baraá hikwaahúng wa hanisá', nee baraá muruú ququmát.

Matayo 15:19

Asma baraá muunuú heewo gár ti'imiit a inslawoó tlákw, nee tsu/uta, nee fuqi, nee tsaatu'uuma, nee fiiso, nee lamabu'úngw lama, nee /ooslisliingw.

Yohana 3:6

Umuúqo gár taa laqwaál ar slaqwa aqo slaqwa, nee umuúqo gár taa laqwaál ar Qeeru aqo qeeru.

Rumi 1:21

Inooín tam Mungú ngwa tsaahhi'i, ala inooín ngwa xirfayeesi'iiká tawa Mungú, nee slám ngwa sluufmiisi'iiká. Ala inslaway'ín iri daktu'uút, nee muner'ín tidá' sagalooár koomaaká iri ak gíp.

Rumi 3:23

Asma muu sleémeero tlakweema gaa tleéhh, nee xirfuú ta kon i kaahh dír geeraá Munguhe.

2 korinto 2:15

Asma atén a adór mooyángw tsuú' oo Kristo dír geeraá Munguhe, dír mukdá' ta ba/amiimisi, nee dír mukdá' qwaqwadiima.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›