IIMU/UUNGW 8:20 - Biblía Axweesantá Hhohho' ar Mungú 2004

²⁰ Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

IIMU/UUNGW 8:20 Iomraidhean Croise

IIMU/UUNGW 13:18

Naagáy Abramu heémarós gay surkuús, iri hardáh dír ta/eewoó heé ta bay Mamre, baraá yaamaá Hebroni. Iri didá' wa hoót. Didaádae kitángw ilahhooa guri tleéhh as AAKOÓ MUNGÚ.

IIMU/UUNGW 13:4

Didá' kitángw ilahhooa ngway tleéhh. Nee Abramu umuú AAKOÓ MUNGÚ guri didá' wa ateetín.

IIMU/UUNGW 22:2

Mungú iri oó', «Garmaawók kwisíng oo kilós, nee oo kuúng ta ló'wa sla', Isaka, ar tlawang ay baraá yaamaá Moria. Daqaní kuúng ngu ilahhooár da/tá wa hanís gawaá tloomár aníng ni kuúngí laqaam.»

IIMU/UUNGW 22:9

Tawa hardáh didá' Mungú aa oó', Abrahamu kitángw ilahhooa guri tleéhh. Migír guri hhaáf gawaá kitangwdá', garmaawós Isaka guri tseék ar hima, guri qaatiís gawaá daanduú migíruudá'.

IIMU/UUNGW 26:25

Gawaá adoorihe Isaka kitángw ilahhooa guri amoodií tleéhh, AAKOÓ MUNGÚ guri xirfayeemiís. Heémarós gari amoodií kikií', nee sagadiyuuseerós hhalaangw guri fól.

IIMU/UUNGW 33:20

Kitángw ilahhooa guri tleéhh amoodaádá' i ale. Kitangwdá' guri umií tsaát guri báy El-Elohe-Israeli.

IIMU/UUNGW 35:1

Munguú Yakobo guri báy, «Tláw, tsa/ám ay yaamaá Beteli, ta amoodá' wa hót. Nee amoodaádae aníng ir kitángw ilahhooárí tléhh. Aníng a Mungú kudá' ugwa i ti'iit qoomár Esau hhiyaawók kuwa ilaagóp.»

IIMU/UUNGW 35:7

Kitángw ilahhooa guri tleéhh. Didaádá' gari báy El-beteli. Asma an didá' Mungú nguwa i ti'iít, qoomár iwa goów as hhiyaawós.

IIMU/UUNGW 4:4

Abeli deelmoó geera oo makaydá' i deaaen guri gaás, wa/amedá' wahhaar gari ilahhooár wa haniís dír AAKOÓ MUNGÚ. Aakoó Mungú kuna qwal/atís nee Abeli nee ilahhooarós tidae.

IIMU/UUNGW 7:2

Baraá makaydá' hhohhoe tsár tsár tiwa ohiin, ar yaqaamba nee ar /ameeni, ay sagaáwa faanqw. Ala makaydá' hhohhoeeká tsár tsár tiwa ohiin ar yaqaamba nee ar /ameeni.

IIMU/UUNGW 7:3

Slám baraá tsir/ór gáwtí tlatlaawa, tsár tsár tiwa ohiin, ar yaqaamba nee /ameeni, ay sagaáwa faanqw, as xwaylár muruusíng slaáf miwa qwát baraá yaamuwo.

IIMU/UUNGW 8:19

Umuúqo makiito'ooro nee umuúqo gár gurúr hi'iimita, nee umuúqo tsir/ooro nina ti'iitiyé' baraá miringamoowo, umuúqo gaaro nee daa'awtós.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

TI'INAANGW 10:25

Ala Mose iri oó', «Makayrén awa de'eengw aqo in ar tlawaán as kiwa ilahhooár wa tsu/aan, nee ilahhooár da/a/aango dír AAKOÓ MUNGÚ, Munguúrén.

TI'INAANGW 29:18

Daqaní fu'uunaydá' sleémeero ki dá/ gawaá kitángw ilahhooa as ilahhooadár da/a/aangw ngiwa aníng i hanis, slaahhareeridá' tsuú' awa ilahhooadá' anuú AAKOÓ MUNGÚ iri sla'atisiyá'.

TI'INAANGW 29:25

Muruuwí ku dir'ín wa ar tleér ku dá/ gawaá kitángw ilahhooa dinkwa nee ilahhooadá' ta da/a/an as tawa slaahhareeraá aníng i sla'atimiisá'. Asma gaarí an ilahhooadá' ta hanmiisi dír AAKOÓ MUNGÚ ar loohirí kawa da/aa/an.

FAARO 7:21

nee awuú wák oo batlitamo, nee gwaanduú wák, nee deelmoó gwaanda oo kurkú wák. Muruuwí a ilahhooár da/a.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Ebrania 13:10

Atén kitángw ilahhooa u koomaán. Kaahamuusér Mungú, tidá' gadiyuus baraá heémár wa ale, i harina'aaká muruuduú gawaá daanduú kitangwrén kwí nguwa /ayiya'.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.