IIMU/UUNGW 8:19 - Biblía Axweesantá Hhohho' ar Mungú 2004

¹⁹ Umuúqo makiito'ooro nee umuúqo gár gurúr hi'iimita, nee umuúqo tsir/ooro nina ti'iitiyé' baraá miringamoowo, umuúqo gaaro nee daa'awtós.

IIMU/UUNGW 8:19 Iomraidhean Croise

IIMU/UUNGW 1:21

Naagáy Mungú makaá uren awa baraá ma'aay giri tleéhh, nee muruú yaariír oo slaáf oo hi'iimiít ar baraá ma'aay, ma'aay niri hatsiyé' muruú slafa, umuú daa'aweemaá dimbadimbehe. Nee tsir/ór daa'aweemaá dimbadimbé gari tleéhh sleeme. Mungú adoodá' aa tleéhh gari ár naxés ka hhoohhoo'.

IIMU/UUNGW 1:24

Mungú iri oó', «Makaá slafá' ni deeruutiye' baraá yaamuwo awa umuúqo slaqsaywo, makaá ta de'en, nee makaá sla/ato, awa uren nee awa ninakwe, umuúqo daa'aweemaá makaywo.» Adoodá' iri tleehharút.

IIMU/UUNGW 8:18

Noa iri ti'iít, inós nee daaqaywós nee aamaarós nee tlaawoó daaqaywose.

IIMU/UUNGW 8:20

Noa kitángw ilahhooa guri tleéhh as AAKOÓ MUNGÚ, makiito'ór wák gari taataáhh baraá umuúqo daa'aweemaá makaá hhohhoe, nee tsir/ír wák gari taataáhh baraá umuúqo daa'aweemaá tsir/ór hhohhoe, gari didá' wa daá/ ilahhooár wá ale.

IIMU/UUNGW 9:10

Slám nee umuúqo gár slafa, tsir/o nee makaá ta de'ena nee makaá sla/ato, kudá' sleémeero nee kuungá' naa alti'ite' baraá miringamoó wa alé.