IIMU/UUNGW 8:1 - Biblía Axweesantá Hhohho' ar Mungú 2004

¹ Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

IIMU/UUNGW 8:1 Iomraidhean Croise

IIMU/UUNGW 19:29

Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

IIMU/UUNGW 30:22

Mungú Raheli gari insláy, gari iiárií qaás, gari xwaylárí haniís.

IIMU/UUNGW 9:10

Slám nee umuúqo gár slafa, tsir/o nee makaá ta de'ena nee makaá sla/ato, kudá' sleémeero nee kuungá' naa alti'ite' baraá miringamoó wa alé.

NEHEMIA 13:14

Aá Munguúeé', án inslawáng baraá muruuwihe, tlehhmi'iieé' kudá' hho' naa tleehhahhiít as do'ók nee as gadiyeérók mi fitsaar.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:29

Munguúeé', inslaweek adoodá' kahamuusi'iima ngira meetagaasiyé' nee alqadór kahamuusi'iimaro nee ar tlahhoó Laáwiwo.

NEHEMIA 13:31

nee ilahhooár migír ngiri oó' kingiwa huwi qoomaadá' hariima nee bu'úngw geera. Aá Munguúeé', án inslawáng as iwa hhooeemáy tlehh.

YOBU 12:15

Tluwaay burngwa ilaá/, age tin faak, tluwaay burngwa geemawa hhe'eés, alwuo ti fák baraá yaamuwo.

YOBU 14:13

A tsiní geera bar iga lú/ baraá gi'i, tay qoomár muneerók i pu'ut. Ay dír qoomaadá' naa hanís i fak, nee iri insleér.

WARA'AMI 105:42

Asma al'axweesantós ar hhoohhoo' gana insláy, tidá' aa oó' dír Abrahamu sagadiyusmoowós.

WARA'AMI 106:4

Aníng inslawáng, AAKOÓ MUNGÚ, mukók bur hhooeemaawógí tlehhít, alee/iisáng qoomár bar mukók ba/amiimís.

WARA'AMI 115:12

AAKOÓ MUNGÚ atén ti inslasláy, nee tin tsuuq. Múk Israeli gun tsuuq, nee xwaylár Aroni sleeme gan tsuuq,

WARA'AMI 132:1

AAKOÓ MUNGÚ, Daudi inslaweek, baraá slahh'amaayeerós tidá' aa saqiqtlini.

WARA'AMI 136:23

Kudá' atén taa inslay baraá daqatlakwerene, Asma sla'aarirós i warqeeraaká ay alhhe'eesay wasle!

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 29:10

AAKOÓ MUNGÚ a baalusmo tam daanduú tluwoó da/atene. AAKOÓ MUNGÚ a waawutmo ay kureeraá kureér.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

TI'INAANGW 15:10

Ala kuúng fur'aarók ana kwáhh, tlawi giri harakí/. Inooín niri /eetiyé' baraá ma'aá ur adór harsaási.

TI'INAANGW 2:24

Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

AXWEESANOÓ SAGALOOA 25:23

Fur'ár baskú daahh i tluwoó huwaahúp, Adoorí an adór kaantusmo gila ngir haahuwi.

ISAYA 44:27

Aníng an kudá' ilo gi babáw, «/Oomé'.» Nee yauuhúng in kahaás.

YEREMIA 50:38

Ma'ay'ín ni kahiye', as kahhó' niwa kahiya', asma Babuloni a yaamaá murslaaqatuú mungui. Muu a slarhhamumuút daanduú slaqsa'aá munguaá hatláe.

AMOS 8:7

AAKOÓ MUNGÚ lo'o gaa huúw as daara/ángw Yakobo, i kaahi, «Tiqá' Yakobo aa tleéhh dir'eene i baloó qwatká.

YONA 4:11

Xáy, aníng a hariímaáke gixsár Ninewi ngiwa gurtlaw, gixsadá' ur? Baraawose múk yaariír i deer oo kume tsiiruú wák nee mibeeri tsár gaa baa/ oo dákw doó /iyáy nee oo basáy ngu tsatsahhama'aaká. Nee malé alé makaá ló'wa yaariir awa ta de'en i dayá'.»

NAHUMU 1:4

Inós tlawi gan i gahhaat gari kahaas, yau sleémeero giri kahaas, Bashani nee Karmeliro niri /ootsiyá', tam /ayór Lebanoni in /óts.

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

SEKARIA 10:11

Inooín nin waarahhiyá' ar baraá tla/ángw tláwtá slahh'amaaye, aníng gwaanduúwós kuduú ma'aay nguri slaáhh, nee iloodaá yaaér Nili niri /oná', daara/ángw Ashuru kuri hhitín, nee /uuruú múk Misri iri faak.

FAARO 10:9

Qoomár bar slaqwara baraá ayahunge naa ti'ít tla/ángw kuungá' nee wakuuserhúng, tidá' kuungá' nu baramaanuus, layár slaqwara ka laqaandá' ar tarumbeéta ufaahha as AAKOÓ MUNGÚ, Munguúhúng nuwa inslay nee nuri ba/amis dír wakuuserhunge.

FAARO 22:32

Malaykamoó AAKOÓ MUNGÚ Bala'amu guri báy, «Ahaá waáy, daqwaywók musa sláhh ay ki/ima tám. Aníng nina hardáh as kuúng uwa ilaa/, asma loohirók ka tlaakw dír geeraeene.

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 18:5

Asma tlakweemaawós naa tlahhiyé' nay hardihiyé' gawaá doori. Nee Mungú tlakweemaawós sleémeero gaa insláy.

1 SAMUELI 1:19

Looaytleérós matlaatleero tari tseewa tláy, AAKOÓ MUNGÚ kuri firín, tari waátl amór dooín, ayaá Rama. Elkana iri qatuú áy dír hareerós Hana, inós AAKOÓ MUNGÚ gari insláy.