IIMU/UUNGW 7:9 - Biblía Axweesantá Hhohho' ar Mungú 2004

⁹ nina dahiyé' baraá miringamií alé, kudá' Noa i dirii'i. Nina tsár tsár wa darahiyé', yaqaamba nee /ameeni, ar adoodá' Mungú Noa ngura hara'ayín.

IIMU/UUNGW 7:9 Iomraidhean Croise

IIMU/UUNGW 2:19

AAKOÓ Mungú umuúqo makiito'ór sla/to gana titi'iís baraá yaamuú wa alé, nee tsir/ór gáwtí tlatlaaw, giri dír heedaádií huúw as ngiwa umeérí tlaaqi. Muruú slaáf sleémeero guri umeérí tlaáq, umeedá' tari umer'ín.

IIMU/UUNGW 6:22

Noa adoodá' sleémeero kwaa báy nee AAKOÓ MUNGÚ gana tleéhh.

IIMU/UUNGW 7:10

Alaá deeloodá' faanqwe tluwaay iri tluúw gawaá daanduú yaamií alé.

IIMU/UUNGW 7:15

Nina aldahiyé' nee Noa baraá miringamoodá', tsár tsár wa alé, umuúqo gár hiinsluú slafíngw koom baraawose.

IIMU/UUNGW 7:16

Nee awa naa dahiye', nina dahiyé' ar hhawaata nee ar /ameeni, awa umuúqo gár slaqwtá kooma, ar adoodá' Mungú Noa ngura hara'ayín. AAKOÓ MUNGÚ afkú miringamo guri aluuwós wa tseék.

IIMU/UUNGW 7:8

Nee makaydá' hhohho' nee kudá' hhohhoekahe nee tsir/ooro, nee muruú gur'eérár hi'iimita baraá yaamuwo,

ISAYA 65:25

Tawer nee bee/aangw tari alqáy, direeri gitso ngin adór hikwaá wa /ayiyá' nee dayshe hhape gan /ák muruú /aymár wá ale. Gawaá tloomar'eé' tidá' hhoohhoo' sleémeerowo, makiito'ór ta slahh'eesi laqaá ar ta gaasi i káhh.» AAKOÓ MUNGÚ tí gan kah.

YEREMIA 8:7

Tam halé/ sleeme qoomár loohaay ga xuu', hhooka, nee paréq nee diingoro qoomár ki/ima ngi dakumiisiaaká. Ala muk'eé' kwí gár i xui i káhh daanduú dabér AAKOÓ MUNGUHE.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.