IIMU/UUNGW 7:4 - Biblía Axweesantá Hhohho' ar Mungú 2004

⁴ Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

IIMU/UUNGW 7:4 Iomraidhean Croise

IIMU/UUNGW 2:5

gár naa ti'it i káhh baraá xatsoowo. Tam gitso naa ti'iitiká, asma AAKOÓ Mungú tluwaay gwa haniisiiká, laqaá tam heé yaamu gaa doosl i kaahh.

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 6:3

AAKOÓ MUNGÚ iri oó', «Qeerueé' nee hee ti tlampa'amisiaaká daqisleém, asma hee a slaqwtá gwaa'. Slám deelór hotaawós a har kureeraá tsiiru nee mibeeri tsár.»

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

IIMU/UUNGW 7:10

Alaá deeloodá' faanqwe tluwaay iri tluúw gawaá daanduú yaamií alé.

IIMU/UUNGW 7:12

tluwaay iri tlubaabín gawaá daanduú yaamií alé deelo mibeeri tsiyáhh, tlaatla/aangw nee xweeraawo.

IIMU/UUNGW 7:17

Tluuwaydá' úr ina kumaamiít ay deelo mibeeri tsiyáhh gawaá daanduú yaamuwo, miringamo iri gáwtí kumiít daanduú ma'aywo, iri daanduudá' wa malelee/amiít.

IIMU/UUNGW 7:3

Slám baraá tsir/ór gáwtí tlatlaawa, tsár tsár tiwa ohiin, ar yaqaamba nee /ameeni, ay sagaáwa faanqw, as xwaylár muruusíng slaáf miwa qwát baraá yaamuwo.

IIMU/UUNGW 8:10

Noa iri malé dán deelo faanqw, aluuwo hhookidá' gari malé ya/aáw ki/imaá tsare.

IIMU/UUNGW 8:12

Noa iri malé dán deelo faanqw, hhooki gari malé ya/aáw, ala naa baloó amoorósí ki/ká.

IIMU/UUNGW 8:2

Kutlaay sleémeero oo iloodá' uren kuri tseék, nee foxaá gawaá doori kiri tseék, tluwaay iri tsatiít.

YOBU 22:16

Mukdá' kuna fiíts dír qoomar'ín ira xeeriiká. Hota sleémeero kiri guú/ nee ma'aay.

YOBU 28:25

Baalaadá' fur'a ngiwa iilooeés, nee ma'aay ngiwa qoomeemeés ar xooslomooduú qoomeemees,

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

YEREMIA 28:16

Gawaá adoorihe AAKOÓ MUNGÚ i kaahi, ‹Aníng kuúng u hingeés baraá daanduú yaamuwo. Kuúng kurkú kilae an gwá', asma muu ugwa al/ák, AAKOÓ MUNGÚ nguri si'iyé'.› »

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.