IIMU/UUNGW 7:23 - Biblía Axweesantá Hhohho' ar Mungú 2004

²³ AAKOÓ MUNGÚ umuúqo gár slafa daanduú yaamuwo gana adoorír hhaamiís, muu, nee makaay, nee muruú gur'eérár hi'iimita, nee tsir/o sleémeero, gina hhaamiís gawaá daanduú yaamuwo. Ala Noa kilós iri meét, nee kudá' nee inós dinkwa baraá miringamoowo.

IIMU/UUNGW 7:23 Iomraidhean Croise

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 8:18

Noa iri ti'iít, inós nee daaqaywós nee aamaarós nee tlaawoó daaqaywose.

YOBU 5:19

Umuú daqto inós kuúng u ba/amis baraá slahh'amuwo, Tam slahh'amu ni sagáwa magá' wá ki/i a gaarooká.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

WARA'AMI 91:7

Tam múk kumuú wák i dír bihhaawók huui, laqaá kumér mibaangw i hua bihhaá dakók oo doó /iyáy, ala kuúng tu baloó naahhisiiká.

AXWEESANOÓ SAGALOOA 11:4

Daqaari'iima hee gu gaa wa bu'uká qoomár qwanaywo, Ala hotaá ganaa'á' hee ngu tu/iyá' dír gwa'araro.

Matayo 25:46

Nee kukaáká' niri tlayá', niri dahamaá ayá' baraá sakwasleemár alhhe'eesay wasl. Ala mukdá' hota ganaá' tan dahamaá áy baraá slafíngw alhhe'eesay wásl.»

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

1 Petro 3:20

Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,

2 Petro 3:6

Ala yaamuudá' geera kina qwaareés sleeme ar ma'aay, ar ma'aydá' tluwoó da/atén.