IIMU/UUNGW 7:12 - Biblía Axweesantá Hhohho' ar Mungú 2004

¹² tluwaay iri tlubaabín gawaá daanduú yaamií alé deelo mibeeri tsiyáhh, tlaatla/aangw nee xweeraawo.

IIMU/UUNGW 7:12 Iomraidhean Croise

IIMU/UUNGW 7:17

Tluuwaydá' úr ina kumaamiít ay deelo mibeeri tsiyáhh gawaá daanduú yaamuwo, miringamo iri gáwtí kumiít daanduú ma'aywo, iri daanduudá' wa malelee/amiít.

IIMU/UUNGW 7:4

Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

IIMU/UUNGW 8:2

Kutlaay sleémeero oo iloodá' uren kuri tseék, nee foxaá gawaá doori kiri tseék, tluwaay iri tsatiít.

1 WAAWITÁ 19:8

Eliya iri tláy iri /ayín, nee ma'aay giri wáh, iri tláy ar /uuruú muruú /aymaadá' deelo mibeeri tsiyáhh tlatla/aangw nee xweeraawo iri hardáh tloomár Mungú.

TI'INAANGW 24:18

Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

Matayo 4:2

Iri gwaawín deelo mibeeri tsiyáhh, tlaatla/aangw nee xweeraawo, iri qwariít.

DABE 10:10

«Aníng ana gawaá tloomár wa hoót deelo mibeeri tsiyáhh xweera nee tlaatla/aango adoodá' aáng geeraawo naa tleéhh. AAKOÓ MUNGÚ wa'aá hatlae ina male iiárií qaás, nee iri ya/án as munduwa hhaamiís.

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.

DABE 9:9

Qoomár aníng niwa tsa/ám gawaá tlooma, niwa tlaa/eedá' parereehhayen kudá' hara'ayár koomá' ngiwa leéhh dír Mungú, kudá' taa alqadoórí gooín, alqadoodá' AAKOÓ MUNGÚ aa tleéhh nee kuungá', aníng ana gawaá tloomár iwiwiít deelo deeloo mibeeri tsiyáhh xweera nee tlaatla/ango, aga /ayiimiiká tam gár naa wáh i káhh sleeme.

2 Petro 3:6

Ala yaamuudá' geera kina qwaareés sleeme ar ma'aay, ar ma'aydá' tluwoó da/atén.