IIMU/UUNGW 7:11 - Biblía Axweesantá Hhohho' ar Mungú 2004

¹¹ Kurkú tsiire lahhoó' baraá slafíngw Noawo, slahhángw tsár tawa mibaá nee faanqw, baldá' kutlaay sleémeero oo iloodá' uren nina gweeritiyé', nee foxa'aá doori nina gweeritiyé'.

IIMU/UUNGW 7:11 Iomraidhean Croise

IIMU/UUNGW 1:7

Adoodá' iri tleehharút. Mungú kaandaftadá' gari tleéhh, ma'aay giri paraátl, kuqá' gawaá daanduú kaandafi, kuqá' baraá guruú kaandafi.

IIMU/UUNGW 6:17

Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 7:6

Qoomár tluwaay iwa tluúw baraá yaamií alé, Noa a heé kureeri tsiire lahhoó'.

IIMU/UUNGW 8:14

Nee slahhángw tsár tawa mibeeri tsár nee faanqw, yaamu naa kahmu hhe'eesiyé'.

IIMU/UUNGW 8:2

Kutlaay sleémeero oo iloodá' uren kuri tseék, nee foxaá gawaá doori kiri tseék, tluwaay iri tsatiít.

2 WAAWITÁ 7:19

Alee/isusmooduú waawutmo Elisha guna mu/aywaáts, iwa kaahi, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Qoomadaádae Elisha guna mu/aywaáts, guna bay, «Kuúng aqo tawo aán ala muruú /aymaadá' u /akká.»

2 WAAWITÁ 7:2

Aluuwo alee/isusmoó waawutmo Elisha guri báy, «Tam AAKOÓ MUNGÚ inósuú kilá' afkú doori burngwa gweér, adoosíng iqo baloó ya/aánda?» Elisha iri oó', «Kuúng ilaawoge adoorí a tawo aán, ala gár ta tsaq i káhh.»

YOBU 12:15

Tluwaay burngwa ilaá/, age tin faak, tluwaay burngwa geemawa hhe'eés, alwuo ti fák baraá yaamuwo.

YOBU 28:4

Yaamu ngin fooliyá' ay amór saaw dír hotaá muko, tari sawees amór muu i baloó aa'aá kayká. Inooín kin tla/eeri tsegit ar him'e nari hambaleleamitiyá' amorqá' nee tiqae.

YOBU 38:16

«Ahaá, looár wake aga hi'iimíti baraá tsinqaá tlawtá wá ale? Nee hi'iitanór baraá guruú tlawi aga iiádi?

YOBU 38:37

Heé sagalooaro huunkáy gu faár a heemá? Nee heé dahheeroó gawaá doori eesaro gu aleesláw a heemá?

WARA'AMI 33:7

Ma'aay sleémeero gina dír wák i burumbuúr, iloo giri tleéhh awa ma'aay ni meetiya'.

WARA'AMI 74:15

Kuúng kutlaay nee yau ina duxuún, kuúng yauudá' uren ina kahamís.

AXWEESANOÓ SAGALOOA 3:20

Inós iloo gina ka'amiís ar xu'utirós. Tam huunkáy sleeme i har'uú paahhamiis.

ISAYA 24:18

Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

ISAYA 24:19

Yaamu i ló'wa gwagwa'aná', yaamu i ló'wa feehhamitiyá', yaamu i taa/aná' ló'wa ale.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

YEREMIA 51:16

Qoomár bira ilawaáts ma'aay dooriwo nin xuuruiyá'. Tlaangú iri tleehharuut bihhér yaamu sleémeerowo. Maankari iri wer'eeliín qoomár tluuwaywo. Fur'a ngin baraá kuuntaywós wa duxún.

ESEKIELI 26:19

«Asma anuú Aakoó MUNGÚ a kah, Kiíng Tiro i sluhhi tleéhh adór gixsadaá muu iwa lóh, qoomár ma'aay birnga baraá iltá wa huúw, nee ma'aá yaariir iri tuuntuukiyá'.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Matayo 24:38

Asma qoomár tluwoó da/atén iwa tluwiiká, muu ina /ayín nee ina wahán, slám tana duuxuxún nee kina duxuút, tam ay baalaadá' Noa iwa baraá miringamoowí dáh.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

2 Petro 3:6

Ala yaamuudá' geera kina qwaareés sleeme ar ma'aay, ar ma'aydá' tluwoó da/atén.