IIMU/UUNGW 6:8 - Biblía Axweesantá Hhohho' ar Mungú 2004

⁸ Ala AAKOÓ MUNGÚ Noa guna i qaytsiít ar gurtleemu.

IIMU/UUNGW 6:8 Iomraidhean Croise

IIMU/UUNGW 19:19

Ga/aaweek, lawaalmoowók ya/aám gaa sláy dír ilaawoge, kuúng gurtleemuuwók ngwa dók baraá tisíng naa aníng i tléhh ar slafingw'eé' kuwa ba/amís. Aníng guwoó gawaá tlooma u aslawká, as mitiwa sláy nee tidá' tlaakw, án niri gwaá'.

WARA'AMI 145:20

AAKOÓ MUNGÚ kudaádá' sleémeero ngu sla'á' gin amohhe'eemiis, ala tlakuuse sleémeero gan qwaarees.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

AXWEESANOÓ SAGALOOA 12:2

Heé hhoó' hhooeema gi sláy dír AAKOO MUNGUHE. Ala heé inslaway tlákw ku sakwasleemuut nee Mungú.

AXWEESANOÓ SAGALOOA 3:4

An adór sla'aari nee xirif kir sleer dír Munguhe nee dír muko.

AXWEESANOÓ SAGALOOA 8:35

Asma heé aníng iga slay, a slafiingw guna sláy, heé adoorí ku gurií baa/ nee AAKOÓ MUNGÚ.

YEREMIA 31:2

Anuú AAKOÓ MUNGÚ a kah, «Mukdá' naa dír tsu/utár wa /uy, qeemu ngwa slayé' baraá xaanxaywo, qoomaadá' múk Israeli dír huungu/uusa kawa leelehhiít.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

Matayo 24:37

Asma adoodá' qoomár Noawo aa tleehharuut, an adór bál hardahaamuú Garmoó Heewo tleehharuut sleeme.

Luka 1:30

Malaykamo gari báy, «Maria ma da'ayuutaar, asma tsuuqaá Mungú iga sleér.

Luka 17:26

Adoodá' aa tleehharut deelór Noawo, an adoodá' tleehharuut bál deelór Garmoó Heewo.

Tlehhema'aá ya/Abuuse 7:46

Daudi kuri gurií baá/ nee Mungú, nee Mungú guri firín. Daudi Mungú guri firín as do' nguwa tleehhi oo Munguú Yakobo iwa hooti.

Rumi 11:6

Mungú inooín gina tsawaár as gurtleemu, ala a as tlehhma'aá inooín naa tleehhiiti'iiká. Asma geera bar gina tsawaár as tlehhmi'i, geera gurtleemuuwós a tawo.

Rumi 4:4

Ala dír heedaádá' gadiyér tleehha, bu'utuuwós ku harafaariiká tawa tawo qeemu. Ala an hariímarós.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

2 Timoteo 1:18

Kuúng a ló'wa xú' adór inós aníng ira sagadiyuumaamiís baraá yaamaá Efesooro. Bál alhhe'eesaywo Aako inós ngu gurtleemií haniisi, gurtleemuudá' amór Aakoó daahh.

Tito 2:11

Asma gurtleemuú Mungú kwa geehhooatís as muu sleémeero kuwa ba/amisi.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

1 Petro 3:20

Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.