IIMU/UUNGW 6:7 - Biblía Axweesantá Hhohho' ar Mungú 2004

⁷ AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

IIMU/UUNGW 6:7 Iomraidhean Croise

IIMU/UUNGW 6:6

AAKOÓ MUNGÚ iri oó', «Gár hám hee ngusa tleéhh nguri qaás baraá yaamií alé.» Ina ló'wa gurhamuút baraá muunaáwose, iri oó', «Masók una tleehhiiká.»

IIMU/UUNGW 7:21

Umuúqo gár slaqwtá kooma iri gwá', tidá' qo gawaá daanduú yaamuú wa hi'iimita, tsir/o nee makaá ta deaaen, makaá sla/a nee muruú gur'eér hi'iimita sleémeero, nee umuúqo heewo.

IIMU/UUNGW 7:4

Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

WARA'AMI 37:20

Ala kudá' tlakw i qwaariyá', kudá' AAKOÓ MUNGÚ ngwa aahhiye' nin kahiyá' adór /ayór wa ale, nay ilaá wa qwaariyá' adór quuír wa ale.

AXWEESANOÓ SAGALOOA 10:27

Slafíngw heé AAKOÓ MUNGÚ ilaiwawaá/ ku tleerees, ala hotaá heé tlaákw ki hartsaat.

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

HOSEA 4:3

Gawaá adoorihe yaamu naa slahhaaiyé' nee umuúqo heé baraadí diriia in beehhuut, dinkwa nee makaá sla/ato, tsir/ór hhampe'eerír tlatlaw i beehhuumít, tam siyó baraá tlawi sleeme iri hhán.

AMOS 7:3

Aakoó MUNGÚ guruuwós iri tláy, iri oó', «Adoorí i tleehharutká.»

AMOS 7:6

AAKOÓ MUNGÚ guruuwós iri tláy, iri oó', «Tí sleeme i tleehharutká.»

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

SEFANIA 1:2

AAKOÓ MUNGÚ i kaahi, «Aníng umuúqo gaaro ar baraá yaamu an qwaareés.

SEFANIA 1:3

Hee nee makiito'ooro in qwaareés nee tsir/ór gáwtí tlatlaawa nee siyoó baraá tlawto, dukuutse nee kudá' tlakwe sleémeero in qwaareés. Hee un amór saáw i kwaáhh as miwa deeruút baraá yaamuwo. Anuú AAKOÓ MUNGÚ tí ngina oó'.

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.