IIMU/UUNGW 6:6 - Biblía Axweesantá Hhohho' ar Mungú 2004

⁶ AAKOÓ MUNGÚ iri oó', «Gár hám hee ngusa tleéhh nguri qaás baraá yaamií alé.» Ina ló'wa gurhamuút baraá muunaáwose, iri oó', «Masók una tleehhiiká.»

IIMU/UUNGW 6:6 Iomraidhean Croise

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

2 SAMUELI 24:16

Ala qoomár malaykamo dakós nguwa tleés amór gixsár Yerusalemúrí ale, as ngiwa hhaamisi, AAKOÓ MUNGÚ inslawaywós guna warqeés, malaykamoodá' múk tsuú/ guri báy, «A ido daxta.» Dakók har'ooheek. Qoomaadae malaykamoó AAKOÓ MUNGÚ aa sihhiít dír bihhaá afeenír balaangw muxta ar Arauna heé Yebusi.

1 QOM'I 21:15

Mungú malaykamo gway ya/aáw as gixsár Yerusalemu ngiwa qwaareesi, ala inslawaywós gway warqeés, malaykamoowí gway báy, «Aido, dawar ki/eek.» Malaykamo qoomaadae i sihhmiit dír afeenír balaangw muxta ar doó Ornani heé Yebusi.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 110:4

AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

WARA'AMI 119:158

Múk kuúng u haratlintatiaaká bura ár u ló'wa sla'aaká, asma hara'ayarók ngaa oohi'iiká.

WARA'AMI 78:40

Nguwa si'iyé' baraá xaanxáy wa ale, ngway gurhaamírár ayé' baraá darmuú wa ale a sagaá wa magá'?

WARA'AMI 81:13

A gár hhoo' geera bar muk'eé' kangw'eé' ngwa iiárií qaás, nee múk Israeli bar loohir'eé' ngaa slaiyé'.

WARA'AMI 95:10

Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

TI'INAANGW 32:14

AAKOÓ MUNGÚ inslawaywós kudá' tlákw guri máy, kudá' geeraawo i tleehhamór wa slai dír mukós.

ISAYA 48:18

Hám geera a tsiní bar hara'ayar'eé' aga iiárií qasé'. Daqaní wayduú yaariír u sleerá' adór ma'aá yaae, geera hotaá ganaa'á' dirhunge tay adór gwaanduú ma'aá tlawi.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 18:7

Barnaxes qoomarkaaro aga oó', xooro laqaá waawuti'iima a hingeés, nee an giqáw ngiri hhaamiís,

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

YONA 3:10

Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

MALAKI 3:6

AAKOÓ MUNGÚ Aleesleemusmo i kaahi, «Aníng a AAKOÓ MUNGÚ, kudá' warqaaqawaaká, an gár kuungá', xwaylár Yakobo, tundusa qwaareesiiká.

FAARO 23:19

Mungú lama ga adór heéwaá tsatiiká, laqaá i adór heéwaá gwadiidinká. Xáy al'axweesani ga oói gadaádá' gari boo/eesiiká? Gaa ga oói gadaádá' gari tleehhiiká?

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.

DABE 32:36

Looeemaawo AAKOÓ MUNGÚ mukós gu alekalaa/, sagadiyuuseerós ga gurtláy, qoomár birnga ár /uureemooín naa faakiyé', nee birnga ár heé meét i kaahh, oo lawaalmo nee lawaalmoowooká.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

Ebrania 3:10

Gawaá adoorihe aníng qartadá' ana i buúhh, niri oó', ‹Mukwí deelo sleémeero a múk muner'ín aa qwat, nee slám loohir'eé' kaa baloó xuiiká.›

Ebrania 3:17

Mungú múk aa i buhhabuúhh kureeraá mibeeraá tsiyahhe a ín heemá? A kudá' tlakweema gaa tleéhhiíke, kudá' aa qaatl baraá xaanxáy i alé.

Yakobo 1:17

Umuúqo gár hhoo' nee umuúqo gár ganaa' amór kingiwa hanmiisi a gawaá doori. Amór Mungú ngin dáhh, kudá' gwa/aateemaá gawaá doori gaa tleehh. Asma inós i warqaaqayká, slám atén ti baraá giwtírií geexayká.

1 SAMUELI 15:11

«Aga gwadidiím, asma Saulo nguwa waawutmoó wa qaás, asma inós aníng iga máy eeharto nee hara'ayar'eé' gaa boo/eesiiká.» Samueli iri buúhh, iri /aa/aá áy dír AAKOÓ MUNGÚ xweera sleémeero.

1 SAMUELI 15:29

Slám Munguúduú xirfuú Israeli, lama ga ooiiká, tam i gwadidinká asma inós a heewooká.»

1 SAMUELI 15:35

Samueli nee Saulo tay baloó ari'iiká ay gwa'ararós, ala Samueli Saulo guna ale/aa/amaamín. AAKOÓ MUNGÚ iri gwadidín, asma adoodá' Saulo nguwa waawutmoó múk Israeli wa qaás.