IIMU/UUNGW 6:2 - Biblía Axweesantá Hhohho' ar Mungú 2004

² Daaqoó Mungú dasuuduú muu kuna ár adór kur hhohhó'. Adoorihe inooín dasú naa tsawaariyé', nguna duxuutiyé'.

IIMU/UUNGW 6:2 Iomraidhean Croise

IIMU/UUNGW 12:11

Qoomár iwa nakaá/ yaamaá Misri, hareerós Sarai gari báy,

IIMU/UUNGW 24:3

Án kuúng u lo'ór /aymiís ar umuú AAKOÓ MUNGÚ, Munguú doori nee yaamu, harér garmaaeé' ma lehhtuú awaar baraá tla/ángw dasuú múk Kana'ani, kwí nee atén alhootá'.

IIMU/UUNGW 26:35

/Ameenaarí hotángw Isaka nee oo Rebeka guri tli/ís.

IIMU/UUNGW 27:46

Rebeka Isaka guri beér, «Aníng amohhooa a koomaaká baraá slafingw'eene as /ameenarír Hiti. Yakobo /ameenír wák ar múk Hiti birnga duúx, gár nis slaaf a milá?»

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

IIMU/UUNGW 4:26

Seti na/oó garma guri laqwaál, guri umií tsaát Enoshi. Qoomaarí an qoomár muu umuú AAKOÓ MUNGÚ nguwa iimu/ún ateetiingo baraá firor'ine.

IIMU/UUNGW 6:1

Qoomaadae muu ina tlaáhh baraá yaamuwo, nee dasu kuna laqwaál.

IIMU/UUNGW 6:3

AAKOÓ MUNGÚ iri oó', «Qeerueé' nee hee ti tlampa'amisiaaká daqisleém, asma hee a slaqwtá gwaa'. Slám deelór hotaawós a har kureeraá tsiiru nee mibeeri tsár.»

2 SAMUELI 11:2

Loarka wake, qoomár tsiindowo, Daudi ina qatuú wá tláy, iri tsa/án gawaá daanduú doó waawutmo. Qoomár iwa gawaá geehhoudá' wa hi'iimiti, /ameenír wák gana ár i hamtliín /ameenír tsataari hho', hhohh'ariro ila' gin hayót.

ESRA 9:12

Gawaá adoorihe, daaqay'ín dasuuhúng munguwa duxuút, tam dasuuín mukuwa duxuút nee daaqayhúng, mi waydú i sla'aara', laqaá diihhooa daqisleém, as kuungá' /uuru kuwa sleera' nee hhooeemaá yaamu kiwa /aga', nee kay na/iihúng i geexeerá' tawa aalír alhhe'eesay wasl.›

YOBU 1:6

Looarka wake malaykér Mungú ina burumburít dír geeraá AAKOÓ MUNGÚ. Neetlaangw sleeme iri dír dinkwaadá' i hardáh.

YOBU 31:1

«Aníng aga tsabiím, a baloó qaytaaká amór dasi as ngiwa ilaatleeruus.

TI'INAANGW 34:16

Daaqaywók mu dasuuín ar duuxuutmisaar, aluuwo dasuuín iri munguii'ín sluufmisuú áy, daaqayhúng sleeme kuri ta/eekw, iri munguii'ín sluufmisuú áy.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

MALAKI 2:11

Múk Yuda adór qoomaaká gaa tleéhh, aahhi aa tleehharút baraá Israeliwo, nee baraá Yerusalemu. Asma múk Yuda Doó AAKOÓ MUNGÚ kudá' i slai gwa slasla/areés, inooín munguaá xoordaá hatlá' ngina sluufmiisiyé'.

MALAKI 2:15

Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

1 Korinto 7:39

/Ameenír taa duúx, hhawaatuuwós bir slaaf, /ameenidá' makawa duúx. Ala bar hhawaatuuwós aa gwaá', i ya/aán kawa duuxi nee heé inós i sla'. Ala adoorí ka tleehhi ar baraá Aako.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

DABE 14:1

«Kuungá' a na/aá AAKOÓ MUNGÚ, Munguúhúng. Miti iree/imaara', laqaá se'engwhúng mu deequtaara' hee barnaxes aa gwaá'.

2 Petro 2:14

Inooín ilaaín in tawo waseeliná' ilatleerir tsaatu'uumaro, slám i hhe'eesiaaká tlakweemaawo. Nee múk tununuú/ baraá haratlintaaooro ngun qwaareemisiyá'. Inooín a múk ló'wa peésár slaá'. Gawaá adoorihe inooín kaa lu'ús nee Mungú.

1 Yohana 2:16

Asma umuúqo gár baraá yaamuwo, adór ilatleerír slaqwa, nee ar ila', nee daqaari'iimár muu gwa daara/ángwár eer, muruuwí i amór Mungú dahhiiká, ala a muruú baraá yaamuuká'.