IIMU/UUNGW 6:17 - Biblía Axweesantá Hhohho' ar Mungú 2004

¹⁷ Nee ga/aaweek, aníng tluwoó ló'wa úr ngu huúw baraá yaamu, as umuúqo gár slafa ngiwa hhitiim, as miwa deerút baraá yaamuwo. Umuúqo gár baraá yaamií diriia i gwá'.

IIMU/UUNGW 6:17 Iomraidhean Croise

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

IIMU/UUNGW 6:13

Mungú Noa guri báy, «Aníng gár naa ístí tsaát, a umuúqo heewo un qwaareés, asma hara/untsaín naa tlahhiyé' baraá yaamuwo. Daxta inooín i fiíts baraá yaamuwo.

IIMU/UUNGW 6:16

Pa/ángw dákw wák geexaweek tla/ángw koo/i nee dabe, daqaní dabe ka qás. Bihhaá miringamo ki áfkwí tléhh. Kitaardaá tám tleehheek, ar baraay, ar tla/aangw nee ar gawa.

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

IIMU/UUNGW 7:15

Nina aldahiyé' nee Noa baraá miringamoodá', tsár tsár wa alé, umuúqo gár hiinsluú slafíngw koom baraawose.

IIMU/UUNGW 7:17

Tluuwaydá' úr ina kumaamiít ay deelo mibeeri tsiyáhh gawaá daanduú yaamuwo, miringamo iri gáwtí kumiít daanduú ma'aywo, iri daanduudá' wa malelee/amiít.

IIMU/UUNGW 7:4

Asma alaá deelo faanqwe aníng tluwaay ngu huúw baraá yaamií alé. Tluwaay iri tluuw ay deelo mibeeri tsiyáhh tlaatla/aangw nee xweeraawo. Nee umuúqo gár slafa, tidá' naa tleehhi, an fiíts baraá yaamuwo.»

IIMU/UUNGW 9:9

«Ga/aawaak, aníng hamí alqador'eé' ngi kuungáí haniís, nee xwaylarhúng.

YOBU 22:16

Mukdá' kuna fiíts dír qoomar'ín ira xeeriiká. Hota sleémeero kiri guú/ nee ma'aay.

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

WARA'AMI 29:10

AAKOÓ MUNGÚ a baalusmo tam daanduú tluwoó da/atene. AAKOÓ MUNGÚ a waawutmo ay kureeraá kureér.

TI'INAANGW 14:17

Qaytsiít, aníng munér múk Misri an gawdeés, inooín tindi aluuhúng wa dah, tundu wa eehari. Farao nee slaqwaruuseerós nee gaarduuwós nee mukdá' gaardaá madiita aníng i xirfúr ayá'.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 54:9

Asma gaarí an adór tidá' deelór Noawo naa oó'. Qoomaadae lo'o ana /aáy ar daanduú yaamu nguwa hatsisaaká alwuór ma'aywo, ala hamí lo'o aga /aáy, ar án iwa i buhhaaká nee iwa baloó iigahhaataaká.

ESEKIELI 34:11

«Gawaá adoorihe anuú Aakoó MUNGÚ a kah, Anuú kilá' bee/angw'eé' un leeleéhh nee nguri amohhe'eés.

ESEKIELI 34:20

«Gawaá adoorihe, anuú Aakoó MUNGÚ nun adoorí babáw, Anuú kilá' kángw bee/ángw aa wahhdiit nee kudá' slaqo tlákw un tsaát.

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

ESEKIELI 6:3

ki beer, Axweesantá Aakoó MUNGÚ iiárií qaasaak, kuungá' yaamuloouusér hoot gawaá tlom'aá yaamaá Israeli. Anuú Aakoó MUNGÚ kuungaáká' gawaá tlom'aá hootá' nee gawaá dindirma', nee awa baraá yaamaá tawo, nee awa baraá xatso, aníng nu slaáhh, wa/amerhúng tidá' ta tlehhé' gawaá gongoama' as ilahhooár munguaá hatlá' ngiri hhitiím.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

AMOS 9:6

AAKOÓ MUNGÚ dír hotaawós gaa tleéhh gawaá doori, yaamu giri harweér ar doori. Inós an kudá' ma'aá baraá tlawi gi ateét giri ku'uus baraá yaamaá kaahará', inós umuuwós ku bay AAKOÓ MUNGÚ.

Matayo 24:39

Gár taa tsaáhh i káhh daanduú tidá' aa tleehharuti ay qoomár ma'aay niwa wa/iyé', muu sleémeero nguri hayoohiyé'. Adoorí an adoodá' tleehharuut bál hardahamuú Garmoó Heewo.

Luka 17:27

Asma qoomár de'emaá Noawo muu ina /ayín nee ina wahán, slám tana duuxuuxún nee kina duxuút, tam ay bál Noa iwa dáh baraá miringamo, nee tluwoó da/atén nay hardáh, mukdá' sleémeero guri hhaamiís.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

1 Petro 3:20

Mukwí an kudá' Mungú gwa sii' qoomár de'emaá Noawo. Qoomaadaádae Mungú ina daamarán ar qiqtliingw qoomár miringamoó úr kuwa tlehhiiti. Baraá miringamoodae múk niiná ina ba/án ar baraá ma'aay, inooín a dakaát kilós.

2 Petro 2:5

Mungú múk aáng gwa gurtlayká sleeme, ala tluwoó da/atén nguri huúw daanduú yaamaá múk tlákw. Heé aa ba/an a Noa kilós, kudá' kángw hotaá ganaa'á' gu alki/aa/iít, nee múk faanqw oo hatlá' iri ba/án sleeme dinkwa nee inós.