IIMU/UUNGW 6:11 - Biblía Axweesantá Hhohho' ar Mungú 2004

¹¹ Múk baraá yaamu aa hhitiruuta hhe'eés dír geeraá Munguhe, yaamu nari hatsiyé' hara/untsawo.

IIMU/UUNGW 6:11 Iomraidhean Croise

IIMU/UUNGW 10:9

Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.»

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 6:10

Noa daaqoó tám guna laqwaál, umer'ín a Shemu nee Hamu nee Yafeti.

IIMU/UUNGW 7:1

AAKOÓ MUNGÚ Noa guri báy, «Dáh baraá miringamií alé, kuúng nee múk do'oge, asma aga ár adór kuúng kilók tar gan'amuú koon dír geeraaeene baraá qartihe.

2 QOM'I 34:27

Asma kuúng muunaáwók kuwa hhoó' nee tiri niinawés dír geeraaeé', nee tlabaawók kiri feehhamís, nee tari /aa/amiín, qoomár axweesanay'eé' kuwa axás daanduú yaamuukae, nee daanduú yaamuloouuser'ine, tiri niinawés dír geeraaeé'. Anuú AAKOÓ MUNGÚ kuúg ugwa axaás.

WARA'AMI 11:5

AAKOÓ MUNGÚ múk hhó' nee tlakuuseero gin alqaytsimiit. Múk dabér eeharaharaaká gun ahhiit.

WARA'AMI 140:11

Foolusmo gár hhoo' mingiwa sláy baraaká' yaamuwo. Heé tlaákw ku giiri nee muruú tlákw as kuwa dahhi.

WARA'AMI 55:9

Aáko, tlakuuse amoqwaareeseek, tsifrir'ín hhitimeek, asma gár naa ár a tlaahhír ur nee gila baraá gixsaro.

TI'INAANGW 32:7

AAKOÓ MUNGÚ, Mose guri báy, «Tláw aweér ar gaanslaay, asma mukók kudá' naa dúx baraá yaamaá Misrír wa ale, taa kilooín qwaareesiyé'.

ISAYA 60:18

Baraá yaamuuwoge afór xaraasl ka baloó axasiiká laqaá hhitiru'uuma nee qwanaay dír digmuú yaamuuwoge i deeruutiaaká. Ba/ama tari adór koo/irók, xiríf tari adór afér maraywók.

YEREMIA 6:7

Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

ESEKIELI 28:16

Slaasláwár yaariir ar taa sleér uri malgu'uumár ar eér, nee tlakweema kiri tléhh. Gawaá adoorihe án un guús adór gár slasla/aár wa ale dír tloomar'eé' tidá' hhoohhooe. Nee keruúbidá' u xuúm uri tlatlahhás amór saaw baraá tla/ángw tlaa/eedá' qwiirii/á' wa ale.

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

HABAKUKI 1:2

«Aá AAKOÓ MUNGÚ, kuúng firor'eé' ka siaaiin ay xaylá? Una i /aa/amiím asma /ayta, ala kuúng i sla'aká ba/amisaro.

HABAKUKI 2:17

Asma tlakweemaadá' taa tlehhahhít dír múk Lebanoni kuúng u i ki/iyá', nee makaydá' taa tsu/aa/iín kuúng u de'eérár gaasiyá'. Tí sleémeero kuúng u sleér asma mukdá' taa tsú/ nee /aytaadá' taa tlehhahhít baraá yaamuuká' nee dír yaamuloouusér baraá gixsaduín wa hoot.

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Rumi 2:13

Asma múk ta gan'amuú i harafaari nee Mungú, a ooanaaká an kudá' hara'aya gaa axaas, ala múk ta gan'amuú i harafaari, an kudá' adoodá' hara'aya i kat ga tlehhiít.

Rumi 3:19

Ala a xuaán axweesanaydá' sleémeero hara'aya i kat, kwaa oó' dír mukdá' sleémeero baraá waawuti'iimár hara'ayár wa hoót. Gár axweesanaywí oo hara'aya kusa oó', a umuúqo heewo kuwa xasltisi, nee muu sleémeero kuwa sakwasleemuuti nee Mungú.

DABE 31:29

Asma aníng a xuú' alaá gwa'arar'eene kuungá' a tsuwa hhitrumitá', nee loohidá' naa hara'ayiím kari geexeerá'. Nee de'emaá hi'iita'a kuungá' amotlakwe nu sleér, asma kuungá' tlakweema i tlehhá' dír geeraá AAKOÓ MUNGUHE, inós kuri mune duxá' ar muruudá' kuungá' dabaahunge ta tlehhita'.»

HAR'OHUUSE 2:19

Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.