IIMU/UUNGW 50:11 - Biblía Axweesantá Hhohho' ar Mungú 2004

¹¹ Mukduú Kana'ani baraá yaamuudá' wa hoót, mukdá' tsuunqumiís kuwa ár didár haritleemisú wa alé, tari oó', «Tsuunqumisuú múk Misri ku yaariír.» Naagáy didá' kari ateét ar umuuwí, ta bay Abel-misraimu, tidá' gayuú Yordanír i dirii'.

IIMU/UUNGW 50:11 Iomraidhean Croise

IIMU/UUNGW 13:7

Naagáy gila niri xayé' tla/ángw de'eemuusér hikwaá Abramu nee de'eemuusér hikwaá Loti. Nee de'emadaádae múk xoorór Kana'ani nee múk xoorór Perisi tan yaamuudá' wa hoot.

IIMU/UUNGW 24:6

Abrahamu guri báy, «Ti harmagahh, garmaaeé' mu amorqá' i ki/isaar.

IIMU/UUNGW 34:30

Yakobo Simeon nee Laáwi giri báy, «Iga slahh'esé' iwa heé tlaákw tlehhé' baraá tla/ángw múk ayaawihe, múk Kana'ani, nee múk Perisi. Aníng muk'eé' ku niiná, birta i burumburiít, tin muux, án nee múk dooeene tiri qwaarees.»

IIMU/UUNGW 50:10

Tay hardáh dír balaangw kuwa haritlemaamisi, didár gayuú yaaér Yordani. Tari amoodá' wa tsuunqumiís ar tsuunqusmoó xoorór boo/. Yosefu iri tsuunqumiís as baabuúwós amoodá' wa alé deelo faanqwe.

IIMU/UUNGW 50:12

Daaqoó Yakobo adoodá' baabuúín ngaa báy kari tleéhh.

DABE 11:30

Tlom'iiká' i gayuú yaaér Yordani, bihhaá /uwa awa loohidá' aa da/aá xu', baraá yaamaá múk Kana'ani kuduú yaamaá Arabár hoót, kudá' nee yaamaá Gilgali ti ga/aawá'.

DABE 3:25

Aníng kuúng un firiím ni waaraáhh yaaér Yordaniro, yaamuudá' hhoohhoo' awa bihhaá /uwa Yordaniwo masók i ár, yaamaá ló'wa hhoohhoo' awa tlom'aá hhohhó' koomá', dinkwa nee tlom'aá Lebanoni.›

DABE 3:27

Tsa/ám ay gawaá tsitsinír tloomár Pisga, ta ló'wa qaytsita hhe'és bihhaá /uwa, nee /iya, nee basa, nee bihhaá da/aáw, yaamuudá' ki xuuxú', ala kuúng yaaér Yordani a waarahhká.

1 SAMUELI 6:18

Nee slaqsi'iidaá gareeraá taa tleéhh ar sahaábu, faaror'ín aqo adór gixsadaá múk Filisti. Kudá' taa sawaawuti'ín nee geeraharuuse kooán, gixsadaá koo/i gawden nee gixsadaá ninakw awa qamu sleeme. Nee tlaa/adá' ur tidá' taa sandakmooduú alqadór AAKOÓ MUNGÚ i qaás, a layár kaangwí, tam laarí baraá xatstá Yoshua yaamuloousmoó Bet-shemeshi.