IIMU/UUNGW 50:10 - Biblía Axweesantá Hhohho' ar Mungú 2004

¹⁰ Tay hardáh dír balaangw kuwa haritlemaamisi, didár gayuú yaaér Yordani. Tari amoodá' wa tsuunqumiís ar tsuunqusmoó xoorór boo/. Yosefu iri tsuunqumiís as baabuúwós amoodá' wa alé deelo faanqwe.

IIMU/UUNGW 50:10 Iomraidhean Croise

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 50:11

Mukduú Kana'ani baraá yaamuudá' wa hoót, mukdá' tsuunqumiís kuwa ár didár haritleemisú wa alé, tari oó', «Tsuunqumisuú múk Misri ku yaariír.» Naagáy didá' kari ateét ar umuuwí, ta bay Abel-misraimu, tidá' gayuú Yordanír i dirii'.

IIMU/UUNGW 50:3

Kuna slikín deelo mibeeri tsiyahhe, ar adoodá' múk Israeli i /imaamisi. Múk Misri Yakobo guri sa tsuunqumiís ay deelo mibeeri faanqw.

IIMU/UUNGW 50:4

Deeloodár tsuunqumis iwa waaráhh, Yosefu iri axweés dír múk doó Farao. Gár aa oó' a tí, «Án bira ya/aandé' tla/angwhunge, ooaré' dír Farao, ku beera', Baabuúeé' án iga lo'ór /aymiís. Gár iga báy a tí,

IIMU/UUNGW 50:9

Tina alkoné' dinkwa nee mukdá' faraási gaa i tsa/an, nee gaarduudá' ta uuruxun, tay amaqawár yaariir.

2 SAMUELI 1:17

Daudi iri tsuunqumiís as Saulo nee Yonatan.

2 SAMUELI 11:26

Bat-sheba harér Uria kaangwí nguwa axás adór hhawaatuwós Uria ira gwaá', guri sa tsuunqumís.

1 QOM'I 10:12

miguuse sleémeero nina tleér, slaqwtá Saulo nee slaqwaá daaqaywose ngay huwiyé' ay Yabeshi. Aluuwo faduuín kiri foól dír gamuú xa'anoó ta/eewi amoodár Yabeshi. Inooín tari gwaawín deelo faanqw.

YOBU 2:13

Niri baraá hhapeérí iwiitiyé' dinkwa nee Yobu deelo faanqw, tlatla/aangw nee xweeraawo, tam gár naa dirós i ooiyé' i káhh, asma adór slahh'amuuwós kur úr kana ár.

DAHARUSMO 12:5

Deelór /aantani tsa/amtooro kawa da'ayut nee muruú dae tlaáq iwa baraá loohi. Deelór saga iwa adór pungaanír wa /awaakuy, nee tsaxwaay iwa huwa tleehhiti, nee ilatleeri sleémeero iwa fak. Asma hee in amór do'ós kuduú alhhe'eesay wásl i tláy, múk tsuunqumiís iri baraá loohír wá hi'iimiit.

FAARO 19:11

«Barnaxes hee tuuár hee gaa kwatiít, i baraá meeta deelo faanqwe.

FAARO 20:29

Muu sleémeero ngiwa axaás adór Aroni ira gwaá', tari tsuunqumiís deelo mibeeri tám.

Tlehhema'aá ya/Abuuse 8:2

Múk Munguú ilaiwawaá/ Stefano guri foól, kuri sa tsuunqumiís ló'wa ale.

DABE 1:1

Axweesantá taa gooín baraá kitaábuuwí a axweesantadá' Mose aa káh dír múk Israeli sleémeero, qoomár inooín tawa baraá darmuú bihhaá da/aáw oo yaaér Yordani. Inooín tawa baraá xatstá Yordani dír isaapoó Sufu, tla/ángw gixsár Parani nee gixsár Tofeli, nee Labani, nee Haseroti nee Disahabu.

DABE 34:8

Múk Israeli iri tsuunqumiís as gwa'arár Mose har afiqoomár deelór mibeeri tám baraá yaamaá xatstá Moabu wa ale. Naagáy, deelór tsuunqumis iri fák.

1 SAMUELI 31:13

Aluuwo faduuín kingina ar tláy, ay dír gamuú xa'anoó /aantsí dír yaamaá Yabeshi, kiri didií foól. Inooínaaká tari gwaawín deelo faanqw.