IIMU/UUNGW 5:5 - Biblía Axweesantá Hhohho' ar Mungú 2004

⁵ Kureeraá Adam aa hoót a tsiire gwaleél nee mibeeraá tám, inós iri gwaá'.

IIMU/UUNGW 5:5 Iomraidhean Croise

IIMU/UUNGW 3:19

Ar hamér gadiyér gawide muruú /aymaarók un /ák, ay dír ti ki/ baraá hhape. Asma kuúng tuna tleéhh ar hhape. Kuúng a hhape, nee baraá hhape an i kí/.»

IIMU/UUNGW 5:11

Adoorihe deelo sleémeero ar Enoshi aa hoót, a kureeri tsiire gwaleél nee kooán, iri gwaá'.

IIMU/UUNGW 5:4

Kureeraá Adam aa hoót alaá Seti nguwa laqwaál a tsiire dakaát. Na/aá hatlá' gina laqwaál awa daaqaay nee awa dasuwo.

IIMU/UUNGW 5:6

Seti kureeraá tsiiruú wák nee kooán ngiwa hoót, Enoshi guri laqwaál.

IIMU/UUNGW 5:8

Deelo sleémeero ar Seti aa hoót a kureeri tsiire gwaleél nee mibaá nee tsár, iri gwaá'.

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

1 QOM'I 1:1

Adam Seti guna laqwaál, Seti ina laqwaál Enoshi,

YOBU 30:23

Aníng aga tsaáhh daxta kuúng in gwa'arárar slá', dír do'odá' ta amohhe'eés as umuúqo hee.

WARA'AMI 89:48

Heé hoót a gaalá oo gwaa'aaká? Heé gwa'ara ilagowto ga aleesláw a heemá?

WARA'AMI 90:10

Kureeriirén a kureeri mibeeraá faanqw, laqaá birti slaqo hhó' a mibeeri dakaát. Ala waayaaqamuú yaariír un ar hootaán, deelo i kwahhmiská atén aqo an gaanslár tlawaán.

DAHARUSMO 12:5

Deelór /aantani tsa/amtooro kawa da'ayut nee muruú dae tlaáq iwa baraá loohi. Deelór saga iwa adór pungaanír wa /awaakuy, nee tsaxwaay iwa huwa tleehhiti, nee ilatleeri sleémeero iwa fak. Asma hee in amór do'ós kuduú alhhe'eesay wásl i tláy, múk tsuunqumiís iri baraá loohír wá hi'iimiit.

DAHARUSMO 12:7

Dír kuúng tara baraá hhapeérí ki/iká, nee dír qeeru ira ki/iiká amór Munguúdá' ngwa haniis.

DAHARUSMO 9:5

Múk slaáf gaqo xuu' adór inooín tar qaátl, ala múk aa qaatl gár ta xui i káhh tam ar niiná, nee qeemuú i slayá' i kaahh, inooín kaa gunqareés baraá inslawoó muko.

DAHARUSMO 9:8

Tlabaawók umuú deélooro masók ki /awak, sagók di/tá slikiingw mingiwa dakuús.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

DABE 30:20

AAKOÓ MUNGÚ, Munguúhúng sla'aak, nee afoorós iialooeesaak, nee inós i naga'ataak. Asma adoorí bara tlehhé' an slafingwhúng nee an hotaahúng awa tleerá' baraá yaamuudá' AAKOÓ MUNGÚ aa lo'ór wa /aáy ngiwa haniisi dír baabi'iihúng Abrahamu, nee Isaka nee Yakobo.»

Ebrania 9:27

Muu gár kuwa hariím a in qaatl sagaáwa wák wa ale, nee alaá gwa'araaro tari sakwasleema.