IIMU/UUNGW 5:22 - Biblía Axweesantá Hhohho' ar Mungú 2004

²² Enoki nee Mungú tana aldinku'uús baraá hotaawose. Alaá Metusela nguwa laqwaál, kureeraá aa hoót a tsiire tám, na/ii giri laqwaál awa daaqaay nee awa dasuwo.

IIMU/UUNGW 5:22 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 24:40

Ala inós iri oó', «AAKOÓ MUNGUÚDÁ' aní geeraharahaár baraá slafingw'eene, malaykamoowós ngu ya/aaw as nee kuúng tiwa koonda' nee uwa alee/iisi baraá aaiiwoge, kuúng garmaaeé' ngu harér i sleér baraá múk tlahhay'eé' wa alé, nee baraá guruú doó baabuúeé'.

IIMU/UUNGW 48:15

Yosefu guri tsuúq, guri báy, «Munguú duú baabi'iieé' Abrahamu nee Isaka naa eehariyé', Munguúdá' aníng iga geeraharahaar slafingw'eé' sleémeero ay laarí,

IIMU/UUNGW 5:21

Enoki kureeraá mibeeri lahhoó' nee kooán ngiwa hoót, Metusela guri laqwaál.

IIMU/UUNGW 5:23

Adoorihe deelo sleémeero ar Enoki aa hoót a kureeri tsiire tám nee mibeeri lahhoó' nee kooán.

IIMU/UUNGW 5:24

Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

WARA'AMI 116:9

Daxta an hoót ar adoodá' AAKOÓ MUNGÚ i slai, baraá yaamaá múk slaáf wa ale.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 16:8

AAKOÓ MUNGÚ i geeraaeé' umuú qoomaaro. Aníng ti baloó dingitisiiká, asma inós iwa dakw'eé' oo doó /iyáy i dirii'i.

WARA'AMI 26:11

Ala aníng ti daba' hhohhó' baraá hotaaeene, án gurtlawáng nee ba/amisáng.

WARA'AMI 56:13

Asma aníng iga ba/amís baraá gwa'araaro. Eeít, ya'aaeé' ina báq mawa huú', as niwa hoot ar gwa/aateema baraá slafingo, dír geeraá Mungú wa aleeró.

WARA'AMI 86:11

AAKOÓ MUNGÚ, án intsaahhatisáng loohiroge, as kahhó' niwa hoot baraá looeemaawók wa ale. Muunuú tsáp oo ilaiwa/ame haniisang.

TI'INAANGW 16:4

Aluuwo AAKOÓ MUNGÚ Mose guri báy, «Aníng mikaáte ngi gawaá doorí wa /aytiís, umuú baalaaro muu mikaátér /aymár looár wake bu'uut ngi burumburi, ar loohirihe aníng i iartá wa slaá', áx daber'eé' ngi oohiía laqaá aasla'áy.

DAA'AANGW 1:4

Aníng ar tlawáng, góh ar gaanslaay, Waawutmo aníng iga dahaás baraá do'ós, Atén kuúng uri saqwalaala/aán nee uri sa bara/aán, sla'aarirók kari alki/itaán tam difaái ba/a. /Ameena kuúng uwa sla' i hariín.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

TLAHHOÓ LAÁWI 26:12

An hi'iimiít baraá tla/angwhúng wa ale, aníng tari Munguúhúng nee kuungá' tari muk'eé'.

AMOS 3:3

Xáy, múk tsár taqo tsuwa al'aa'aá káya barnaxes taa kaahi slay'iiká?

MIKA 4:5

Asma xoordu sleémeero nin hootiyá' nee umuú xoorooro ar baraá umér mungu'ii'ín. Ala atén an hootaán ar baraá umuú AAKOÓ MUNGÚ, Munguúrén, ay kureeraá kureér.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

MALAKI 2:6

Hara'ayár ló' i baraá afkós, tam al/ayma i káhh baraá afkose. Ina hi'iimiít dinkwa nee aníng ar wayda nee gan'amu, nee awa yaariir nay warqayé', tlakweema ngay mayé'.

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

1 Korinto 7:17

Ala umuúqo heewo gár kuwa hariím masók i kumiit hotaango ar adoodár aleesleemuú Qeeru, kudá' Aako aa dirós i haniís, nee adoodá' inós i dirii'i qoomár kuwa ateét nee Mungú. Gaarí an gár ni hara'ayiyiim dír kríshaanáy oo umuúqo diiro.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Efeso 5:15

Gawaá adoorihe, adór baraá slafingwhunge tar hota' alqaytsitaak. Ma hootara' adór múk daktanár ar alé, ala masók a adór múk sageeloén.

DABE 13:4

AAKOÓ MUNGÚ, Munguúhúng un eehadá', nee inós kilós un ilaiwawa/á' nee hara'ayaarós an otá', nee afoorós an iialooesá'. Inós un sagadiyusá', nee an dirósí naga'atá'.

DABE 28:9

«AAKOÓ MUNGÚ kuúng u xoorór hhoohhoo' tleehh, adoodá' ngira alqadín, kuúng bar hara'ayaarós aga iialooés, nee bar loohirós aga eehát.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 4:5

sagalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

1 Tesalonike 2:12

Nuna gurkwa/amisaán nee nuri naanaaqaán, nuri harhhehhe'eemisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.