IIMU/UUNGW 49:9 - Biblía Axweesantá Hhohho' ar Mungú 2004

⁹ Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

IIMU/UUNGW 49:9 Iomraidhean Croise

1 WAAWITÁ 10:20

Slám slaqsa'aá direeraá mibaá nee tsár i dayá', oo wák alhhe'eesoó gawaá daanduú tsa/a/amtoodá' lahhoó'. Slaqsoó kitangwdá' dír hatlá' iwa deér i káhh.

2 QOM'I 9:18

Kitaangwí tsa/amto ngi kon a lahhoó', nee kitangwdá' taa i tlintati'i gawaawose gár kura tleéhh a sahaábu kilós. Kitángw ta yaií qamin gár kura tleéhh a sahaábu kilós, sleémeero kiri dinkwárí nigihhiitís nee kitangwdú waawuti'iima. Umuú barto dír dawa kway qaasi i deer, slám slaqsa'aá direeraá tsár kina tleéhh dír daba' ki qamín.

ESEKIELI 19:5

Aayoorós iwa slahhá' daamaraango, harahhifo iri fák. Na/aywós oo hatlá' guri léhh, guri dirángw batlitmo tléhh.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

HOSEA 5:4

Mukwí kwaa ilaá/ nee tlehhmi'ii'ín as kahhó' matawa kií/ amór Munguúín. Asma inslawoo fuqi aa haáts baraaine, tam AAKOÓ MUNGÚ ngu xuiaaká.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

FAARO 23:24

Qaytsité'! Múk Israeli taa sihhiít adór dirángw /ameeni, taa sihhiít adór dirángw yaqaamba. Kudá' qatuú tawo gu ya/amaaká bar gaa ngaa oohiiká baraá slakatuuwose, nee bar tseerér gár aa óh ngaa nunuuiiká.»

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»

1 Korinto 15:24

Daqaní alhhe'eesaay nay hardah. An qoomár Kristo waawuti'iima ngiwa amór Mungú Baabá i haniisi, alaá waawuti'iima sleémeero binga hhaamiís, nee aleesleemu sleémeero, nee /uuruuwo.

DABE 33:20

Nee daanduú tlahhoó Gadiwo ina oó', «AAKOÓ MUNGÚ i xirfuuti, asma yaamaá Gadi kaa ureés, Gadi i mamahhamiit adór diraangw, kudá' daba' gi karslamiís nee ságw gweehhiím.

Geehhoeemaá 5:5

Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»