IIMU/UUNGW 49:8 - Biblía Axweesantá Hhohho' ar Mungú 2004

⁸ «Yúda, kuúng hhaeewók u xirfeemisiyá', wakuuseerók kari bál, hhaeewók kuúng u ilaiwawa/iyá'.

IIMU/UUNGW 49:8 Iomraidhean Croise

IIMU/UUNGW 27:29

Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

IIMU/UUNGW 29:35

Lea iri malé tsít, na/oó garma guri xwayluúr, guri beér Yuda, iwa kat, «Ki/imakae AAKOÓ MUNGÚ u diidi'iís.» Lea iri ala sihhít xwaylaro.

IIMU/UUNGW 42:6

Yosefu qoomaadae a ga/aawusmo baraá yaamudae. Inós an heé muu sleémeero gu balángw i weermiís baraá yaamudae. Hha'aá Yosefu sleeme nina hardihiyé', tay xupuú' ay yaamu dír geeraawós i alé.

IIMU/UUNGW 46:12

Daaqoó Yuda a Eri, nee Onani, nee Shela, nee Perisi nee Sera. Ala Eri nee Onani niri qatliyé' baraá yaamaá Kana'ani. Daaqoó Perisi a Hesroni nee Hamuli.

2 SAMUELI 22:41

Kuúng wakuuser'eé' ana tlatlahhás, nee kudá' iga aahhiye' ina hhaamiís.

2 SAMUELI 24:9

Aluuwo Yoabu faarór muu gari ooár áy dír waawutmo. Baraá xoorór Israeliwo hhawaataá miguuse a kume tsiire tsiyáhh, awa slaqwarár paangadu ngi baalá', nee baraá Yudawo hhawaate a kume tsiire kooán.

2 SAMUELI 5:3

Naagáy bariise sleémeero ar múk Israeli iri daqeér Hebroni dír waawutmo Daudi. Inós al'axweesani gari oó' dir'íní ale, dír geeraá AAKOÓ MUNGÚ wa ale. Daudi kuri iimbalaáx ar di/i tawa waawutmoó Israeli.

1 QOM'I 28:4

Tam adoorihe AAKOÓ MUNGÚ, Munguú Israeli, aníng ina tsawaár dír doó baabuúeene tawa waawutmoó múk Israeli kureerisleém. Tlahhoó Yuda guna tsawaár as iwa waawuti'in, nee baraá doó Yudawo guruú doó baabuúeé' gway tsawaár, baraá daaqoó baabuúeene aníng ina gurií baá/, iri waawutmoó múk Israeli wa qaás.

1 QOM'I 5:2

Ala tlahhoó Yuda tam i /uuruú kona dír hhaeewose, nee tam waawituú múk Israeli ku tsawdaditi baraá tlahhoó Yuda wa ale, ala heé hariímár garmoó baris gaa oh a Yosefu.

2 QOM'I 14:8

Waawutmo Asa slaqwaruusér gaambaá koom nee ar lawlaá koom ngi kon a kume tsiire tám baraá múk Yudawo, nee baraá múk Benyaminiwo a muu kume tsiire tsár nee mibeeri dakaát, oo gaambaá koóm nee oo lawlaá koóm. Kuká' sleémeero an miguusér slaqwara.

2 QOM'I 15:9

Asa muu sleémeero oo Yuda nee oo Benyaminiwo guna ateét, nee múk hatlá' kuduú baraá yaamuuwós hoót, múk Efraimu nee Manase nee Simeon. Kuká' tina paraatliyé' dír múk Israeliro, niri hotaá ayé' baraá yaamuuwós qoomár kawa ár AAKOÓ MUNGÚ, Munguúwós, tawa dinkwa nee inós.

2 QOM'I 17:2

Inós slaqwaruuse gana qaás baraá umuú gixsár Yudawo, kudá' koo/ír gawit ngi koomá', nee wa/ángw hatlá' baraá yaamaá Yudawo, nee baraá gixsadaá yaamaá Efraimuwo, kudá' Asa baabuúwós naa hayóh, gari xuumuuseérí qaás.

2 QOM'I 30:11

Tam adoorihe múk niiná baraá tlahhoó Asheri nee Manasewo nee Sebuluniwo tina niinaweesiyé', niri hardihiyé' ay Yerusalemu.

WARA'AMI 76:1

Baraá Yudawo Mungú i xu'utiit, baraá Israeliro umuuwós ku qiitliiká.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

ESEKIELI 21:29

Qoomár kuungá' tawa xaslite' baraá iigu'utuuhúng kuduú al/ayma nee aaru'uumarhúng tidár lama, paánga kaa amohhe'eés isaá múk aa dee/anuumiit tlaquuwo. Baala naa xeér ar tlakweemahúng kiwa sakwasleemuuti.

FAARO 1:27

dinkwaaro a muu kume mibeeri faanqw nee tsiyáhh nee tsiire lahhoó'.

FAARO 10:14

Mukdá' dír bendeerár taa qaás as tlahhoó Yuda tana giirín tleemuuwo ar bohhu. Geeraharusmoó bohhuuká' a Nashoni garmoó Aminadabu.

FAARO 26:20

Múk tlahhoó Yuda gur'ér maray'ín a tí: Múk guruú doó Shela, nee oo doó Peresi, nee oo doó Serawo.

FAARO 26:22

Gaarí an gur'ér tlahhoó Yuda. Hhawaate kilooín kiwa faár a kume mibeeri faanqw nee lahhoó' nee tsiire kooán.

DABE 33:7

Daanduú tlahhoó Yudawo ina oó', «Aá AAKOÓ MUNGÚ, afór múk Yuda axaaseek, inooín dinkwárí ki/iseek dír muk'ín, Aako slaáqw as inooín. Inooín alee/iiseek dír wakuuser'ine.»

Ebrania 10:13

Diirí an didár wakuuseerós ngiwa daamaaran kawa baali nee Mungú, nee kawa baraá dabaawós i qaasi.

Ebrania 7:14

A gár xu'utiit Aakoorén tlahhaywós a tlahhoó Yuda. Slám Mose kángw kaahamuuse nguwa axweés, gár aa oó' i káhh daanduú tlahhaywihe.

YOSHUA 10:24

Kingay huúw amór Yoshua. Yoshua múk Israeli sleémeero guri ateét, nee geeraharuusér slaqwaruuse, tidá' nee inós naa aldaqaye' baraá slaqwara, giri báy, «Qwalaas diirí tseewuwaare', waawitaáwí iso yaamií kal/amaak.» Inooín adoodá' kari tleéhh.

YOSHUA 15:20

Gaarí an yaamuudá' taa aál nee tlahhoó Yuda ar adoodá' inooín i dirii'iya'.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 5:5

Nee heé wák baraá bariiseedae aníng ina báy, «Ma /aa/amiimaar. Qaytsiít, Dirángw tlahhoó Yuda i deer, oo hhay Daudi. Inós arba/ati gaa sláy. Gawaá adoorihe inós i harín kitaábu nguwa gweeri nee tam dugeeniiwós kudá' faanqw kura tseegi.»

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»