IIMU/UUNGW 49:28 - Biblía Axweesantá Hhohho' ar Mungú 2004

²⁸ Kuká' an tlahh'aá mibaá nee tsár awa múk Israeli, nee gaarí an /aymi'iidá' baabuúín aa káh qoomár ngiwa tsuúq. Umuú heewo ar adoodá' inós wa hariim.

IIMU/UUNGW 49:28 Iomraidhean Croise

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 49:27

«Benyamini a adór tawermo, matlaatleero sluqoorós gan /aay, nee tsiindoowo haasaáng guri qasmiis.»

IIMU/UUNGW 49:29

Israeli na/iiwós gina hara'ayín, giri báy, «Aníng gwa'araaro aga nakaá/. Bara gwaá' án ir folá' dinkwa nee taati'iieé' baraá mar'idár baraá qaymór Efroni, oo múk Hiti,

1 WAAWITÁ 18:31

Tlaa/aá mibaá nee tsár giri taataáhh, ar qoomoó faarór tlahh'aá mibaá nee tsár awa na/aá Yakobo, kudá' AAKOÓ MUNGÚ iwa oó', «Umuuwók a Israeli.»

ESTA 8:11

Baraá barwadukae waawutmo, múk Yahudi guna pa/ángw i haniís baraá umuúqo gixsaro tawa burumburiiti as slafingw'ín nguwa xuna', mikiwa tsuú/, laqaá mikiwa hhaamiís nee mikiwa qororo'oós, nee slaqwaruusér xoordu baraá ayeemoowo as inooín mikiwa i haratlay, na/ii'ín nee /ameenar'ine nee daqaari'iimar'ín makawa haasaáng wa ar tláy baraá ayeemo sleémeero awa waawutmo Ahasuerowo.

ESTA 8:7

Aluuwo waawutmo Ahasuero waawuto'o Esta nee Mordekai kuduú heé Yahudi giri báy, «Ga/aawaak, Esta aga doó Hamani haniís, inós kwa tarereé', as adoodá' iwa tsabín múk Yahudi nguwa qwaareesi.

ESTA 8:9

Goouusér waawutmo kay didií ateét siiwadár kilae, slahhángw tám kudá' ta bay Siwani, bál tawa mibeeri tsár nee tám, barwadu' kiri gooín amór geeraharuusér slaqwaruuse, nee ga/awuuse, nee amór geeraharuusér ayeemaá tsiiruú wák nee mibeeri tsár nee faanqw, ar adoodá' Mordekai ngira oó' daanduú múk Yahudiro, umuú ayko nee gooirós, nee umuú xoorooro ar tsifriirós, nee sleeme múk Yahudi ar gooir'ín nee ar tsifrir'ín.

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

FAARO 23:24

Qaytsité'! Múk Israeli taa sihhiít adór dirángw /ameeni, taa sihhiít adór dirángw yaqaamba. Kudá' qatuú tawo gu ya/amaaká bar gaa ngaa oohiiká baraá slakatuuwose, nee bar tseerér gár aa óh ngaa nunuuiiká.»

Tlehhema'aá ya/Abuuse 26:7

Al'axweesantí tlahhi'iirén kudá' mibaá nee tsár sleémeero ngin daamaraná' ngiwa i hardihiya', tawa Munguú sluufmamiisi ar inkihhimu tlaatla/aangw nee xweeraawo. Waawutámo! Aníng gár tiwa sakwasleemuuti nee múk Yahudi a daanduú haraxu'utirí.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

Yakobo 1:1

Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

Geehhoeemaá 7:4

Mukdá' taa layár i qamín aníng faaror'ín ana axamiís. Faaror'ín a múk kume tsiiruú wák nee mibeeraá tsiyáhh nee tsiyáhh oo taa layár i qamín baraá tlahhi'iidaá múk Israeliwo.