IIMU/UUNGW 49:27 - Biblía Axweesantá Hhohho' ar Mungú 2004

²⁷ «Benyamini a adór tawermo, matlaatleero sluqoorós gan /aay, nee tsiindoowo haasaáng guri qasmiis.»

IIMU/UUNGW 49:27 Iomraidhean Croise

IIMU/UUNGW 35:18

Qoomár iwa tsatmit (asma xwayla gana gás), na/aydá' guri umií tsát, guri beér Ben-oni, ala baabuúwós guri báy Benyamini.

IIMU/UUNGW 46:21

Daaqoó Benyamini a Bela, nee Bekeri, nee Asbeli, nee Gera, nee Na'amani, nee Ehi, nee Roshi, nee Mupimu, nee Hupimu nee Ardi.

IIMU/UUNGW 49:26

Tsuuqaá baabuúwók i /uuruú koná' ta /uuruú tlom'aá hotaatima'a, nee hhooár tlom'aá alhhe'eesay wasl. Tsuuqaká' i iwiitiye' gawaá ságw Yosefu nee gawaá gitsee/aawós, kudá' taa paraátl nee hhaeewós.»

IIMU/UUNGW 49:28

Kuká' an tlahh'aá mibaá nee tsár awa múk Israeli, nee gaarí an /aymi'iidá' baabuúín aa káh qoomár ngiwa tsuúq. Umuú heewo ar adoodá' inós wa hariim.

YEREMIA 5:6

Gawaá adoorihe dirángw baraá sla/atá daáhh gin uhín, taweeramoó baraá xaanxoó daáhh gin hhaamiis, du'uma i baraá gixsaduuín wa gigidín. Umuúqo heé tsee/áy ti'iita kun karslamiis. Asma tlakweemaaín naa ló'wa tlahhiyé', nee inooín Mungú siasiuuwo naa ak harwaarahhiyé'.

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

FAARO 1:36

Múk tlahhoó Benyamini ar adór xwaylar'ine tira haraahariyé', nee adór maray'ine i dirii'iya', nee adór gur'ér maray'ín i diria, nee adór umer'ín i diria, adoodá' kira wakeetín faarooro, umuúqo hhawaatuuwo oo kureeriiwós mibeeri tsár ngaa aye' nee ngaa ba/iye', múk slaqwara eemuuwo ido,

FAARO 23:24

Qaytsité'! Múk Israeli taa sihhiít adór dirángw /ameeni, taa sihhiít adór dirángw yaqaamba. Kudá' qatuú tawo gu ya/amaaká bar gaa ngaa oohiiká baraá slakatuuwose, nee bar tseerér gár aa óh ngaa nunuuiiká.»

FAARO 34:21

Baraá tlahhoó Benyaminiwo a Elidadi garmoó Kisloni.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 7:15

«Ti harmagahhe' dír aaruusér lamuuseero, inooín birni amorhúng kayá' tlabaá bee/aangw nga tsiitiyé', ala laatí baraaine a taweruú xaraásl.

Tlehhema'aá ya/Abuuse 20:29

Aníng a xuú' adór án bar aga tláw, taweruú xaraásl ir dáh baraá tla/angwhúng nee múk kríshaanáy gu gurtlayká.

Tlehhema'aá ya/Abuuse 8:3

Ala Saulo múk kríshaanáy guri gusiisín. Iri daráh baraá umuúqo do'o, hhawaate nee /ameenaaro giri duuruxún, giri dahamiís baraá doó tseegamo.

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

DABE 33:12

Daanduú tlahhoó Benyaminiwo ina oó', «Sla'aaruusér AAKOÓ MUNGÚ. Inooín tan hoot ar amohhooa dirós wa ale, Munguú Gáwtí dirii' tlatla/aagw sleémeerowo gin harwediit nee sla'aarusmooín iri baraá tla/angw'ín wa hoot.»

Filipi 3:5

Aníng tina al/uútl bál dakaate, alaá tiwa xwaylúy. Aníng a heé xoorór Israeli, heé tlahhoó Benyamini, aníng a heé Ebrania, tam xwayliitér'eé' a múk Ebrania. Kángw hara'aya ooharo aníng a heé Farisayo.

HAR'OHUUSE 20:21

Múk Benyamini niri ti'iít Gibeár wa alé slaqwaruusér Israeli kari hhaamiís muu kume mibeeri tsár nee tsár baldár kilae.

HAR'OHUUSE 20:25

Múk Benyamini iri Gibeár wa ti'iít as tawa slaqwi nee inooín wa'aá tsare, muu kume mibaá nee dakaát oo slaqwaruusér Israeli kuri hhaamiís malé alé. Mukwí sleémeero xoslaá slaqwara gi kón.