IIMU/UUNGW 49:23 - Biblía Axweesantá Hhohho' ar Mungú 2004

²³ Múk maheeri guna /amaatseék ar xarasleema, kuri maheerír tlaquút, nee kway ló'wa daawitimiís.

IIMU/UUNGW 49:23 Iomraidhean Croise

IIMU/UUNGW 37:18

Hhaeewós nguri amorqá' saáwí ariyé'. Inós qoomár iwa hardihiiká amor'ín i alé, tana kilooín axweés as kuwa gaasi.

IIMU/UUNGW 37:24

Nguna oohiyé', ngway kwahhiyé' baraá hhalángw kaahaár, oo ma'aá koomaaká.

IIMU/UUNGW 37:28

Muko oo yaamaá Midiani oo múk tlaxuúm iwa waaraahhi, Yosefu kuri duúx baraá hhalaango, kuri weeriís dír múk Ishmaeli, ar shekeéli mibeeraá tsár. Inooín Yosefu kuri huúw ay yaamaá Misri.

IIMU/UUNGW 37:4

Hhaeewós ngiwa tsaahhiyé' adór Yosefu kur ló' wa slai nee baabá ta inooine, Yosefu kuri ló' wa aáhh, tay sangw waydúr hootiiká.

IIMU/UUNGW 42:21

Tari kilooín axweés ta kaahi, «A looeema atén hhiyaarén una sadakuusaán. Asma slahh'amaayér muunaáwós ana araán, qoomár tiwa firiirín, ala atén ugwa axaasaniiká. Ala hamí daxta slahh'amaayeerí atén taa sleér.»

IIMU/UUNGW 49:22

Yosefu a adór xa'anoó laqwaliím, xa'anoó laqwaliím afaá kutltá wa alé, haleemiiwós koo/i ngin alsihhiitiyá'.

IIMU/UUNGW 49:24

Tam adoorihe, ga/aleerós ka amohhoo', nee dabaawós sleeme i /uuruú slaslayá', ar aleesleemuú Munguú duú /uuruú koóm oo Yakobo, ar aleesleemuú umuú De'eemusmo, inós an Tlaa/ár Israeli.

WARA'AMI 118:13

Tina /amatseék ló'wa ale, tay lak baál, ala AAKOÓ MUNGÚ ina alee/iís.

WARA'AMI 64:3

Kudá' afer'ín ngaa duuqiye' adór tsati'ií wa ale, /ayma'aá afa tli/a ngin tlaquutiyá' adór maheeri.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»