IIMU/UUNGW 49:18 - Biblía Axweesantá Hhohho' ar Mungú 2004

¹⁸ «Aníng ba/amarók an daamaraám, aá Aakoó Mungú.»

IIMU/UUNGW 49:18 Iomraidhean Croise

IIMU/UUNGW 49:17

Dani tari adór dayshamoó afaá loohi, adór dayshamoó qarkú koóm oo afaá loohi, kudá' kol'aá faraási gi kikiíhh, heé faraási gaa i tsa/an iri daanduúr huu'.»

WARA'AMI 119:166

AAKOÓ MUNGÚ, kuúng u harahhiíf iwa ba/amis, hara'ayarók a boo/eemiís.

WARA'AMI 119:174

AAKOÓ MUNGÚ, aníng a ló'wa daamaraám iwa ba/amis, dabeerók an saqwalalaá/.

WARA'AMI 119:41

AAKOÓ MUNGÚ sla'aarirók ar warqawaaká laqaamang, ba/amisáng adoodá' kara ó'.

WARA'AMI 123:2

Adór sagadiyuuse aakoodá' ta sagadiyuusi kur harahhifi, adoodá' sagadiyuso'o aayoodá' i sagadiyus ngir harahhif, adoorí an adoodá' ilaarén AAKOÓ Munguúrén ngur ga/aya', ay dír inós atén tay gurtlay.

WARA'AMI 130:5

Aníng AAKOÓ MUNGÚ un daamaraám, muunaáeé' AAKOÓ MUNGÚ gun daamarán, axweesantós aga harahhiíf.

WARA'AMI 14:7

Masók ba/amár múk Israeli ni Siyonír dáhh! AAKOÓ MUNGÚ hariímár mukós birnga ki/ís, múk Israeli iri qwalalaa/, xwaylár Yakobo iri bará/.

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

WARA'AMI 62:1

Aníng Mungú un daamaraám ar qitla, ba/amar'eé' amór i dahh a amoorós.

WARA'AMI 62:5

Aníng Mungú un daamaraám ar qitla, harahhifor'eé' amór i dahh a amoorós.

WARA'AMI 85:7

AAKOÓ MUNGÚ, sla'aarirók ar warqawaaká atén i laqaamang, atén ti ba/amis.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 33:2

Aá AAKOÓ MUNGÚ, atén ti gurtleer, asma atén kuúng una harahhifaán, kuúng masók a baqmoórén umuú looár tlawa, nee masók an ba/amusmoorén qoomár slahha'amko.

ISAYA 36:8

Gimsé' qwalaas al'axweesantá wayda tleehhaak nee aakooeé', waawutmoó Ashuru. Daqaní aníng farsuú kumér tsár ngu haniís kuungá' bar múk gu i tsa/ám u sleera'a.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

WA/AA/I 3:25

AAKOÓ MUNGÚ ku hhoó' dír kudá' ngu harahhifita'a, ku hhoó' dír kudá' sleémeero ngu leelehhitá'.

HOSEA 12:7

Múk Israeli a adór heé halaanu'uumár tleéhh ar al/ayma, muu gun slaa' nguwa /aytin.

MIKA 7:7

Ala aníng guruueé' un amór AAKOÓ MUNGÚ xu'ús ar sla'aari, Munguúeé' kudá' aníng i ba/amís un daamaaraám. Munguúeé' aníng i axaas.

Matayo 1:21

Inós na/oó garma gu xwayluúr, nee umuuwós kway beer Yesu, asma inós mukós gu ba/amis baraá tlakweemaaine.»

Marko 15:43

Yoséfú Arimatayár daáhh nina hardáh. Inós a heé ilaiwa/amér koóm oo doó kwasleema, nee inós sleeme i waawuti'iimár Mungú daamaarán. Inós guruuwós guna gawdeés iri dáh ay amór Pilato, slaqwtá Yesu gari firín.

Luka 1:30

Malaykamo gari báy, «Maria ma da'ayuutaar, asma tsuuqaá Mungú iga sleér.

Luka 2:25

Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Luka 2:30

asma ilaaeé' ba/amarók ngaa ariyé',

Luka 23:51

ala axweesanay'ín kudá' taa tsaát nee tlehhemuuín gwaa ya/aniká. Inós a heé yaamaá Arimataya, gixsár wák ar múk Yahudi. Nee inós waawuti'iimár Mungú gan daamaarán.

Rumi 8:19

Nee mura' sleémeero sleeme kudá' Mungú aa tleéhh, ku daamaarán ar haraxu'uti, adór na/aá Mungú kir geehhooeesi baraá xirfuú wa ale.

Rumi 8:25

Ala barnaxes gar ta ga/aawanaaká a haraxuaán, gadaádá' an daamaaramaán ar qitla.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.