IIMU/UUNGW 49:11 - Biblía Axweesantá Hhohho' ar Mungú 2004

¹¹ Daqwaywós gun tseek dír xa'anoó sabiíbu, na/oó daqwaywós gun tseek dír xa'anoó hhoó' oo sabiíbu. Inqwaruuwós gun hhuunts ar ma'aá na/aá sabiíbu, nee tlabaawós gin hhuunts ar difaáír da/aten ar taa tleéhh ar ma'aá sabiíbu.

IIMU/UUNGW 49:11 Iomraidhean Croise

IIMU/UUNGW 49:12

Ilaawós ki da/aten asma difaái, sihhnaawós ki /awak as ilwa.»

1 WAAWITÁ 4:20

Xoorór Yuda nee ar Israeli ki ló'wa yaariir adór hhasángw afaá tlawi, nina /ayné' nay wahané', niri qwalaala/iyé'.

1 WAAWITÁ 4:25

Xoorór Yuda nee ar Israeli tari hoót ar saxareemo umuú heewo dír sabiíbuuwós nee dír /aantsírós, iimír Danír wa oohang ay Be'er-sheba, deelo sleémeero ar Solomon tawa waawutmo.

2 WAAWITÁ 18:32

ay dír aníng kuungá' nuy huúw amór yaamaá saawá' awa adór koohúng kuká', yaamaá balaangw nee difaái, yaamaá mikaátér koomá' nee qamaá sabiiíbuuwo, yaamaá xaa'aá seituúni nee awa danér koomá', as daqaní kuungá' tawa hota', tawa baloó qatla'aaká. Hesekia kuungá' burnu al/agín, kuungá' mu iiárií qaasara' iwa kaahi: AAKOÓ MUNGÚ kuungá' nu ba/amis.

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

AMOS 9:13

AAKOÓ MUNGÚ i kaahi, «Qaytsité', qooma ni hardát ar heé doósl kuwa ar ba/i nee heé bu'uúm, nee heé sabiíbuú tsoo/iít heé dahaasiím gu aleesláy, tlom'i difaáír tsuu' ngi duuxiyá', gongooama difaái ngi duuxiyá'.

MIKA 4:4

Ala umuúqo heewo iri iwiwiit baraá mahhtuú xa'anoó sabiíbuuwós wa ale, nee mahhtuú /aantsírós. Nee tam heé gi baloó dae tsaát i kaahh, asma AAKOÓ MUNGÚ Aleesleemusmo kaangwí ngwaa oó'.

DABE 32:14

Inooín di/i nee ilwa ngina dír hikwá wa slayé'. Di/tá bee/aangw nee ar gwaandaawe ngina slayé', daqoroó Bashani oo awe nee aara, dinkwa nee angaánoó ló'wa hhohhó'. Difaáír /aben ar mamaá sabiíbu ana wahaandé'.

DABE 8:7

AAKOÓ MUNGÚ, Munguúhúng inós kuungá' nu dahaas baraá yaamuudá' hhoohhoo', yaamaá yau, nee tsinqaá ma'aay, nee kutloó ma'aay, kudá' ti'imiít baraá xatsoó wa aleeró, nee gawaá tlom'i.

DABE 8:8

Yaamuuká' a yaamaá angaánoó shayirír koomá', nee xaa'aá sabiíbuwo, nee /aantsihe, nee xaa'aá ta babay komamaángaro, nee seituúniro nee danuhe.

Geehhoeemaá 14:20

Mamaá sabiíbu kiri baraá bohongwdá' wa tsoo/iít, tsee/aá gixsa. Tseere niri baraá bohongwdá' wa wá/, iri hardát ay afi qoomár afér faras, tlenaango a adór kilomiíta tsiire tám.

Geehhoeemaá 19:18

Qwalaasé', fu'unaá waawitá /ayaak, nee fu'unaá geeraharuusér askaári, nee fu'unaá askaári, nee tam fu'unaá faras, nee awa mukdá' farsuú i tsa/a/ám, nee fu'unaá muu sleémeero, awa múk lawaale nee múk lawaaleerooká, awa múk ninákw nee múk urene.»

Geehhoeemaá 7:14

Aníng nguri báw, «Aáko, kuúng i xú'.» Iri báy, «Mukwí amór i dahhi a baraá slahh'amaayeedá' ur. Nee inooín inqwaruuín kuna hhuúnts nee kuri /awakeemiís ar tseerér Deelmoó bee/i.

Geehhoeemaá 7:7

Oo tlahhoó Simeon a kume mibaá nee tsár. Oo tlahhoó Laáwi a kume mibaá nee tsár. Oo tlahhoó Isakari a kume mibaá nee tsár.