IIMU/UUNGW 48:7 - Biblía Axweesantá Hhohho' ar Mungú 2004

⁷ Aníng niwa kií/ yaamaá Padanír wa alé, Raheli iri loohírí kahhút baraá yaamaá Kana'ani. Slám ka saweeká hardahamuú gixsár Efrataro. Iri gurhaamír úr i geexeér. Naagáy ngiri didár kilá' i foól, bihhaá loohír Efratár kaw. Efrata a gixsadá' laarí ta bay Betilehemu.»

IIMU/UUNGW 48:7 Iomraidhean Croise

IIMU/UUNGW 25:20

Isaka kureeriiwós a mibeeri tsiyáhh qoomár Rebeka ngiwa duúx, dasír Betueli, heé Aramu oo Padan-aramu. Rebeka a hho'ór Labani.

IIMU/UUNGW 33:18

Yakobo iwa Padan-aramu wa tláy, iri hardáh ar wayda ay baraá gixsár Shekemu, tidár baraá yaamaá Kana'anírí dirii'. Xafaywós guri tleéhh bihhaá gixsadá'.

IIMU/UUNGW 35:20

Yakobo uhmoó inslaslaangw guri sihhtís gawaá /aantárí alé, an uhmoó gawaá /aantár Raheli ay laarí.

IIMU/UUNGW 35:9

Munguú Yakobo guri malé i ti'iít, qoomár niwa kií/ baraá Padan-aramu wa ale, guri tsuúq.

IIMU/UUNGW 48:6

Nee na/aá ta aluuká' wa sleer a kók, aalir'ín dír kawa slay a dír Efraimu nee Manase.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

Matayo 2:18

«Afo kana baraá Ramár i axaás, /aa/e nee tsuunqusmoó yaariír, Raheli na/iiwós ale/aa/amiín, tam gurkwa/asa gaa ya/aandiiká asma iwa kahhiya'.»

RUTI 1:2

Heewí umuuwós a Elimeleki, nee umuú hareerós a Naomi, nee daaqaywós kudá' tsár umer'ín a Mahloni nee Kilioni. Tlahhay'ín a Efrata oo baraá gixsár Betilehemu ar baraá Yuda. Tari hardáh yaamaá Moabu, niri ayaadá' wa hootiyé'.

1 SAMUELI 1:1

Heeko wák i deér baraá yaamaá Rama-taimuro ar yaamaá tlom'i, oo hhay Sufi oo tlahhoó Efraimu. Umuuwós ku bay Elkana, garmoó Yerohamu, Yerohamuú Elihu, Elihuú Tohu, Tohuú Sufi, heé tlahhoó Efraimu.

1 SAMUELI 10:2

hamí bara diirí wa tleér, ti dogá' nee hhawaataá tsár dír iisaapoó /aantár Raheli, didár Selsa baraá yaamaá Benyamini. Inooín turi bay, daqwaayeedá' taa leelehhtuú eeré' kaa sláy. Hamí baabuúwók guruuwós in hamiis as kuúng, i kaahi, ‹Adór ni laaq daanduú garmaaeene?›

1 SAMUELI 16:4

Samueli adoodá' AAKOÓ MUNGÚ aa hara'ayín gari tleéhh, iri tláy amór gixsár Betilehemu. Bariisér aya guri al'eér ar daaraxaay, tari oó', «Gaa ka hhoóe?»

1 SAMUELI 17:12

Daudi a garmoó Yese, oo hhay Efrati oo baraá Betilehemúr Yuda. Yese daaqaywós a dakaát. Qoomár Saulo tawa waawutmo, Yese a heé aa din, kureeriiwo bariisér ayaawós ga baa/.